ადმინისტრაციული ერთეულების სოფლებში მოსახლეობასთან შეხვედრების ფარგლებში, შუახევის მუნიციპალიტეტის მერი ფრიდონ ფუტკარაძე, საკრებულოს თავმჯდომარე გიორგი დავითაძესთან, მოადგილესთან ომარ ტაკიძესთან და საკრებულოს ქონების მართვისა და ბუნებრივი რესურსების საკითხთა კომისიის თავმჯდომარე ფატი ჭაღალიძესთან ერთად სოფელ ინწკირვეთში იმყოფებოდა.

ადგილობრივებთან შეხვედრისას ხელმძღვანელმა პირებმა მუნიციპალიტეტში მიმდინარე პროექტების შესახებ და 2018 წლის ადგილობრივი ბიუჯეტით გათვალისწინებული თანხების განკარგვის მიზნით ინფრასტრუქტურული ღონისძიებების დაგეგმარებაზე ისაუბრეს.

,,სოფლებში გაგრძელდება გზების კეთილმოწყობა, სასმელი წყლით უზრუნველყოფა, სანიაღვრე არხების, სპორტული მოედნებისა და ბაგა-ბაღების მშენებლობა, უბნებში გარე განათებების მოწყობა. ყურადღება დაეთმობა სოფლის მეურნეობის, ტურიზმის და კულტურის სფეროს განვითარებას. საჭიროა თქვენი მაქსიმალურად ჩართვა მიმდინარე ღონისძიებებში, რათა ყველა გადაწყვეტილება მივიღოთ სოფლად არსებული საჭიროებებიდან გამომდინარე“, - აღნიშნა შუახევის მერმა.

მოსახლეობასთან შეხვედრის შემდეგ, ფრიდონ ფუტკარაძემ დედის დღე მრავალშვილიან, უხუცეს, 85 წლის ნათელა შარაშიძეს და ანგელინა ჭაღალიძეს მიულოცა.

ქალბატონმა ნათელამ შარაშიძეების ოჯახს 5 შვილი გაუზარდა. ჰყავს 12 შვილიშვილი და 14 შვილთაშვილი.

ანგელინა ჭაღალიძე ორ მცირეწლოვან შვილს ზრდის. მათ შორის ნონა შეზღუდული შესაძლებლობის მქონე სტატუსის მატარებელია, რომელიც ჩართულია მერიის ჯადაცის ,,ცერებრალური დამბლით დაავადებულ ბავშვთა აბილიტაცია-რეაბილიტაციის და ადრეული განვითარების ბავშვთა კურსებზე მგზავრობის ხელშეწყობის" მიზნობრივ პროგრამაში. პროგრამის ფარგლებში ტრანსპორტის ხარჯები უფინასდება ქალბატონ ანჟელას.

მოსახლეობასთან შეხვედრები ყველა ადმინისტრაციული ერთეულის სოფლებში გაიმართება.

(NS)

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის