ლევან ქუტაშვილსა და იოსებ პავლიაშვილს სამხრეთ ოსეთის ტერიტორიაზე თავისუფლად გადაადგილება შეუძლიათ, - ამის შესახებ ოკუპირებული ცხინვალის დე-ფაქტო პრეზიდენტის წარმომადგენელმა მურატ ჯიოევმა განაცხადა.

"სპუტნიკ-ოსეტიას" ცნობით, ჯიოევმა აღნიშნა, რომ საქართველოს ორი მოქალაქე ოკუპირებულ რეგიონში გამოძიების ინტერესებიდან გამომდინარე იმყოფება.

"ქუტაშვილი და პავლიაშვილი დაკავებულები არ არიან. მათ სამხრეთ ოსეთის ტერიტორიაზე თავისუფლაად გადაადგილების შესაძლებლობა აქვთ, თუმცა ისინი რეგიონში მიმდინარე გამოძიების ინტერესებიდან გამომდინარე რჩებიან", - განაცხადა ჯიოევმა.

რაც შეეხება გარდაცვლილი არჩილ ტატუნაშვილის ცხედარს, მისივე თქმით, ცხედარს ქართულ მხარეს მას შემდეგ გადასცემენ, რაც რუსეთში მიმდინარე სამედიცინო ექსპერტიზა დასრულდება და შესაბამის შედეგს დადებს.

"ცხედარს მას შემდეგ გადავცემთ ოჯახს, როცა რუსეთში ჩატარებული ექსპერტიზის შედეგები გვექნება ხელზე. ცხედრის გადაცემის დროს ყველა ექსპერტიზის შედეგს თან დავურთავთ", - დასძინა მან.

შეგახსენებთ, 22 თებერვალს, ოკუპირებული ცხინვალის წარმომადგენლებმა,საქართველოს მოქალაქეები: არჩილ ტატუნაშვილი,ლევან ქუტაშვილი და იოსებ პავლიაშვილი უკანონოდ დააკავეს. საინფორმაციო წყაროებში გავრცელებული ინფორმაციით, არჩილ ტატუნაშვილი 23 თებერვალს ოკუპირებულ ქალაქ ცხინვალის საავადმყოფოში გარდაიცვალა.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა