სლოვაკეთის პოლიციამ ჟურნალისტის იან კუციაკისა და მისი მეგობარი ქალის მკვლელობის საქმეზე ერთი პირი დააკავა. ინფორმაციას true-news.info ადგილობრივ მედიაზე დაყრდნობით ავრცელებს. 

მედიის ცნობით, პოლიციის ინფორმაციით, დაკავებულია ორი პირი, რომლებიც ეჭვმიტანილები არიან ნარკოდანასაულში. ასევე პოლიციამ რამდნეიმე რეიდი ჩაატარა, რომლის შედეგად, დიდი ოდენობით იარაღი ამოიღეს. 

„ ჩვენი ინფორმაციით, გასულ პარასკევს ორი პირი, რომლებიც უკვე დიდი ხანია  ეჭვმიტანილები არიან ნარკოდანაშაულში, საუბრობდნენ იმაზე, რომ საჭიროა იარაღის აღება და სოფელ ველკა მაჩაში წასვლა“, - ნათქვამია პოლიციის განცხადებაში. 

აღსანიშნავია, რომ კუციაკი და მისი მეგობარი გოგო სწორედ ამ სოფელში მოკლეს. 

მანამდე, სლოვაკეთის პრემიერმინისტრმა განაცხადა, რომ  ჟურნალისტის მკვლელობის შესახებ ინფორმაციის სანაცვლოდ მთავრობა მილიონ ევროს გადაიხდის. 

რაც შეეხება მკვლელობის ვერსიას, მედიაში სხვადასხვა მოსაზრებები ვრცელდებოდა. ერთ-ერთი ვერსიის მიხედვით, ჟურნალისტი, შესაძლოა, იტალიური მაფიის წევრებმა მოკლეს. 

ასევე, სლოვაკეტის კულტურის მინისტრმა, მარეკ მადარიკმა ჟურნალისტის მკვლელობის გამო თანამდებობა დატოვა. მისი განცხადებით, მისთვის იმდენად შოკისმომგვრელი იყო თავის ქვეყანაში ჟურნალისტის მკვლელობა, რომ მთავრობაში მუშაობის გაგრძელებას ვეღარ შეძლებს. 

შეგახსენებთ, სლოვაკეთში გამომძიებელი ჟურნალისტი, იან კუციაკი და მისი მეგობარი გოგო მოკლეს. სლოვაკეთის პოლიციის ცნობით, მათ ცეცხლსასროლი იარაღიდან ესროლეს, რაც სავარაუდოდ, ჟურნალისტის საქმიანობას უკავშირდება. 

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის