აჭარის ჯანდაცვის მინისტრი ზაალ მიქელაძე და მინისტრის პირველი მოადგილე რუსუდან შავიშვილი, „ადვოკატირება ბავშვთა და ახალგაზრდების დასაცავად“ პროექტის ფარგლებში გამართულ სამუშაო შეხვედრას დაესწრნენ.

„დღეს ჩვენ ძალიან მნიშვნელოვან საკითხს განვიხილავთ, რომელიც გულისხმობს ბავშვებსა და ახალგაზრდებში ძალადობის პრევენციას. პროცესში არასამთავრობო სექტორთან ერთად ჩართულია შოთა რუსთაველის სახელმწიფო უნივერსიტეტის ფსიქოლოგები. აჭარის ჯანდაცვის სამინისტრო მზად არის მონაწილეობა მიიღოს პროექტის განხორციელების პროცესში, რამაც უნდა უზრუნველყოს მოზარდებში ძალადობისა და ბულინგის შემთხვევების შემცირება“, - აღნიშნა ზაალ მიქელაძემ სიტყვით გამოსვლისას.

პროექტის მიზანია ოჯახში ძალადობის, სექსუალური ძალადობის მსხვერპლი ბავშვებისა და ახალგაზრდების კეთილდღეობისა და დაცვის სისტემის გაუმჯობესება. სამუშაო შეხვდერის მიზანს პროექტის 1 წლის შედეგების გაცნობა-შეჯამება და ძალადობისგან ბავშვთა დაცვის გაუმჯობესებისათვის თანამშრომლობის შესაძლებლობების განხილვა წარმოადგენდა.

შეხვედრას ბავშვთა დაცვის სფეროს ადგილობრივი უწყებების ხელმძღვანელი და გადაწყვეტილების მიმღები პირები ესწრებოდნენ. პროექტის ფარგელბში დაფუძნებული ბავშვთა და ახალგაზრდების ადვოკატირების ცენტრები მუშაობს თბილისში, ბათუმსა და ზუგდიდში. ცენტრები მულტიდისციპლინური და მულტისექტორული მომსახურების მიწოდებით, ეხმარებიან ძალადობის მსხვერპლ და რისკის ქვეშ მყოფ ბავშვებს და ახალგაზრდებს, რათა უზრუნველყონ მათი უსაფრთხოება, უფლებების დაცვა და რეაბილიტაცია. ბათუმის ადვოკატირების ცენტრი ფუნქციონირების შოთა რუსტაველის სახელმწიფო უნივერსიტეტის ფსიქოლოგიის კლინიკის ბაზაზე. პროექტს ახორციელებს საქართველოს საზოგადოებრივი ჯანდაცვის ფონდი, საზოგადოებრივ ორგანიზაცია „სთეფ ფორვარდთან“, რეაბილიტაციის და განვითარების სამეოქმედო ცენტრ „თანაზიართან“ და ბავშვის საერთაშორისო ბიუროსთან ერთად. პროექტის ერთ-ერთი ასოცირებული პარტნიორია ბათუმის შოთა რუსთაველის სახელმწიფო უნივერსიტეტი.

(NS)

ავტორი: ,

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87