საქართველოს ბიზნესომბუდსმენი ირაკლი ლექვინაძე თევდორე მღვდლის ქუჩაზე მდებარე სავაჭრო ცენტრში ხანძრის გაჩენის ფაქტს გამოეხმაურა და სავაჭრო ობიქტების დაზღვევის აუცილებლობაზე გაამახვილა ყურადღება.

ლექვინაზემ აღნიშნა, რომ დაზღვევის როლი მსგავს ვითარებებში განსაკუთრებით მნიშვნელოვანია.

„გასული წლის პრაქტიკამაც და  სამწუხაროდ გუშინდელმა დღემაც აჩვენა რომ მსგავსი ტიპის გადაწყვეტილება ამ კუთხით საჭიროა, იმიტომ რომ ეს უკავსირდება ერთის ნხრივ ადამიანების უსაფრთხოებას. მომხმარებლების უსაფრთხოებას.  მეორეს მხრივ, იმ მეწარმეების უფრო მეტად დაცულობას რომლებიც სამწუხაროდ დაზღვევის როლს და ფუნქციას ჯერ კიდევ ისე აქტუალურად არ აფასებენ, როგორც ეს მნიშვნელოვანია.  დაზღვევა პირველ რიგში მოაგვარებს იმ ნაწილს რომ ზარალის კომპენსირება  სადაზღვეო კომპანიების საშუალებით იქნება შესაძლებელი“,- აღნიშნა ბიზნესობუდსმენმა. 

შეგახსენებთ, სავაჭრო ცენტრ „ქალაქის გულში“ ხანძრის სალიკვიდაციო სამუშაოები ამ დრომდე მიმდინარეობს. მეხანძრეები ცეცხლის ცალკეულ კერებს აქრობენ. მომხდარის შედეგად, შენობის მეორე და მესამე სართული სრულად განადგურებულია. სულ დაახლოებით 3 ათასი კვადრატული მეტრი ფართობი დაიწვა. გამოძიება სისხლის სამართლის კოდექსის 187-ე მუხლით მიმდინარეობს, რაც სხვისი ნივთის ან ქონების დაზიანებას გულისხმობს.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა