„ევროპული საქართველო“ ოკუპირებულ ცხინვალში არჩილ ტატუნაშვილის გარდაცვალებაზე პასუხისმგებლობას რუსეთს აკისრებს.

როგორც საპარლამენტო უმცირესობის წევრმა, ოთარ კახიძემ აღნიშნა, ხელისუფლებამ რუსეთთან მიმართებაში ე.წ. რბილი პოლიტიკა უნდა შეცვალოს და უფრო პრინციპული პოზიცია დაიჭიროს.

„ჩვენ კიდევ ერთხელ დაგვანახა ტატუნაშვილის საქმემ, მანამდე ოთხოზორიას საქმემ, რომ რუსეთი ზნეს არ შეიცვლის და ჩვენგან დათმობის პოლიტიკის ნაცვლად აუცილებელია, მკვეთრი და პრინციპული დიპლომატიური პოლიტიკის გატარება. ტატუნაშვილის მკვლელობასთან დაკავშირებით პასუხისმგებლობა ეკისრება არა კონფლიქტის რომელიმე მხარეს, არამედ ეს არის რუსეთის საოკუპაციო რეჟიმის პასუხისმგებლობა. ხელისუფლებამ დაუყოვნებლივი ნაბიჯები უნდა გადადგას იმისთვის, რომ მაქსიმალური მობილიზება მოხდეს საერთაშორისო საზოგადოების, რომ დროულად იყოს უზრუნველყოფილი ჩვენი მოქალაქის გადმოცემა ჩვენთვის, რომ საშუალება ჰქონდეს მის ოჯახს, შესაბამისი ღონისძიებები გატარდეს, ჩვენი ჯარისკაცის სამხედრო ფორმით დაკრძალვა, და რაც ყველაზე მთავარია, აქედან უნდა გამოვიტანოთ ჩვენ გაკვეთილი, რომ რუსეთთან ურთიერთობების ე.წ. დათბობა, ე.წ. პრაგმატული პოლიტიკა და მათთვის დითირამბების მიძღვნა, არის უბრალოდ არაგონივრული ნაბიჯი. რუსეთთან საჭიროა პრინციპული პოზიციის დაჭერა, აუცილებელია რომ საქართველოს საკითხი იყოს რუსეთსა და დასავლეთს შორის დაპირისპირების საგანი, რომ ჩვენ ვიყოთ იმაზე მეტად ხმამაღალი, მკვეთრი, მომთხოვნ, ვიდრე ამდენი წლის განმავლობაში. ასევე მინდა ხაზი გავუსვა, დაუყოვნებლივ უნდა გათავისუფლდნენ ჩვენი სპეცრაზმელები, რომლებიც ციხეში არიან კოლაბორაციონისტების ჩვენებებზე დაყრდნობით, უნდა დასრულდეს პოლიტიკური დევნა, უნდა მოხდეს რაღაც საკითხებზე შეთანხმება და არ შეიძლება ხელისუფლებამ იმეოროს რუსული ნარატივი იმასთან დაკავშირებით, რომ აქ კონფლიქტი არის წინა ხელისუფლების ბრალი, რომ ომი ჩვენ დავიწყეთ, რომ რუსეთის განზრახვა ოკუპაცია არ არის, ამგვარი რიტორიკა უნდა დასრულდეს", - აღნიშნა ოთარ კახიძემ.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა