2015-05-16 14:20:18, 1717 ნახვა
მსოფლიო
სასამართლომ ეგვიპტის ყოფილ პრეზიდენტს მუჰამედ მურსის სიკვდილით დასჯა მიუსაჯა
ქაიროს სასამართლომ ეგვიპტის ყოფილ პრეზიდენტს მუჰამედ მურსის და მოძრაობა „ძმები მუსულმანების“ 105 აქტივისტს სიკვდილით დასჯა მიუსაჯა.
ამის შესახებ „როიტერსი“ იუწყება.
პროკურატურა მურსის სახელმწიფოს ღალატს, ჯაშუშობას და ციხიდან გაქცევას ედავებოდა. სასამართლომ მურსი სამივე ეპიზოდში დამნაშავედ ცნო.
სასამართლოს მიერ გამოტანილი განაჩენი ეგვიპტის უზენაესმა მუფტიმ შაულქი ალამმა უნდა დაამტკიცოს.
შეგახსენებთ, მურსი თანამდებობიდან 2013 წლის 3 ივლისს შეიარაღებული სახელმწიფო გადატრიალებისას გადააყენეს. ოპოაზიცია მას ხელისუფლების უზურპაციასა და ქვეყნის ისლამიზაციაში ადანაშაულებდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
