ახალგორის გამგებლის ნუგზარ თინიკაშვილის განცხადებით, ოკუპირებულ ცხინვალში გარდაცვლილი არჩილ ტატუნაშვილის ცხედარს ოჯახს სავარაუდოდ დღეს გადასცემენ.

ახალგორის გამგებელმა არჩილ ტატუნაშვილის გარდაცვალებაზე პასუხისმგებლობა "ნაციონალურ მოძრაობას" დააკისრა.

"გუშინდელი შეთანხმების მიხედვით, ცხედარი ოჯახს სავარაუდოდ დღეს უნდა გადმოეცეს. თუ რამე სიახლე იქნება ჩვენ ეს გვეცოდინება და ჟენევის მოლაპარაკების თანათავმჯდომარეები და ელჩები ვინც არიან ამ პროცესში ჩართული, ხელახლა ჩაერთვებიან. ოსურმა მხარემ მათ მისცა პირობა, რომ დღეს ქართულ მხარს გადასცემენ ცხედარს.

ეს არის კრიმინალების ბანდა, რომელიც მართავს იმ გარკვეულ ტერიტორიას, რომელიც დროებით არის წართმეული. მინდა განვაცხადო, რომ ეს სისხლი, რომელიც დაიღვარა, თავიდან ბოლომდე ამის პასუხისმგებლობა ეკისრება მიხეილ სააკაშვილს და "ნაციონალურ მოძრაობას", რომელმაც მოსახლეობასთან კითხვის დასმაც და ინფორმაციის მიწოდებავ არ იკადრა, ისე შექმნა სამხრეთ ოსეთის ავტონომიური რესპუბლიკა, მიაკუთვნა ახალგორი, რომელიც ეკუთნოდა მცხეთა-მთიანეთს“, - განაცხადა ნუგზარ თინიკაშვილმა.

ცნობისთვის, 22 თებერვალს ცხინვალის საავადმყოფოში, საქართველოს მოქალაქე არჩილ ტატუნაშვილი გაურკვეველ ვითარებაში გარდაიცვალა. საგარეო საქმეთა სამინისტროს ინფორმაციით, საოკუპაციო რეჟიმმა 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში უკანონოდ დააკავა.

ავტორი: ,

სოციალური ქსელები

თბილისობა წელს 3 და 4 ოქტომბერს ქალაქის ხუთ ლოკაციაზე აღინიშნება

სურსათის ერვონულმა სააგენტომ ბაღების საკვებიდან ამოღებულ არცერთ ნიმუში დარღვევა არ დადასტურდა

ერთმა არასრულწლოვანმა, მოქალაქის კუთვნილი მოტოციკლი, ხოლო მეორემ მიკროავტობუსი გაიტაცა - პოლიციამ ექვსი არასრულწლოვანი დააკავა

საწვავი გაძვირებას განაგრძობს - პრემიუმი - ₾4.09, რეგულარი - ₾3.75, დიზელი - ₾4.87