თბილისის საქალაქო სასამართლოში ხორავას ქუჩაზე მოკლული მოზარდების საქმის არსებითი განხილვა განახლდა.

დღევანდელ სასამართლო პროცესზე ბრალდების მხარე 5 მოწმის დაკითხვას აპირებს.

პროკურორ ზვიად ფხაკაძის ინფორმაციით, ერთ-ერთ მოწმე სამართალდამცველია, რომელმაც საგამოძიებო მოქმედებები ჩაატარა.

"ხსენებული პირებიდან რამდენიმე მოწმე დააფიქსირებს საქმის ფაქტობრივი გარემოებების შესახებ ინფორმაციას. კერძოდ, ეს ინფორმაცია შეეხება შემთხვევის ადგილზე განვითარებულ მოვლენებს. რაც შეეხება კიდევ ერთ მოწმეს, ის დაიკითხება კონკრეტულ საგამოძიებო მოქმედებებთან დაკავშირებით, რომელიც მან ჩაატარა. შესაბამისად ხუთივე პირი სასამართლოს მიაწვდის ინფორმაციას საქმესთან უშუალო კავშირის მქონე ფაქტობრივი გარემოებების შესახებ", - განაცხადა ფხაკაძემ.

რაც შეეხება დაცვის მხარეს, დანიშნულია ექსპერტიზა, რომელმაც უნდა დაადგინოს რამდენი დანა ფიგურირებს საქმეში.

ადვოკატის ტარიელ კაკაბაძის თქმით, თუ დადგინდა, რომ საქმეში 3 დანაზე მეტი ფიგურირებს, ეს მიუთითებს იმაზე, რომ 2-ზე მეტი ადამიანი მონაწილეობდა მკვლელობაში.

"ჩვენ გვაქვს დანიშნული კომპლექსური ექსპერტიზა, სადაც ექსპერტმა უნდა უპასუხოს უმნიშვნელოვანეს შეკითხვას - რამდენი დანით არის მიყენებული ჭრილობები გარდაცვლილების სხეულზე. მაგალითად მიგვაჩნია, რომ თუ დადგინდება რომ ჭრილობები მიყენებულია 3, 4 ან თუნდაც 5 დანით, უტყუარად დადგინდება, რომ გაცილებით მეტმა ადამიანმა მიაყენა კონკრეტულ პირს ჭრილობები. ჩვენს მიერ წარმოდგენილი მტკიცებულებები უტყუარად დაადგენს ჭეშმარიტებას ამ საქმეზე", - განაცხადა ადვოკატმა.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა.

ავტორი: ,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება