მიუნხენის უსაფრთხოების კონფერენციაზე დისკუსიამ აჩვენა, რომ ნატო რეალურ საფრთხეებს ვერ ხედავს და გარე სამყაროს გაურბის, - ამის შესახებ რუსეთის სახელმწიფო საბჭოს საერთაშორისო ურთიერთობების კომიტეტის უფროსმა კონსტანტინ კოსაჩოვმა განაცხადა.

ინფორმაციას "რია ნოვოსტი" ავრცელებს.

როგორც კოსაჩოვმა განმარტა, დისკუსია მეტწილად ეხებოდა იმას, თუ როგორ მოახერხონ ნატო-ს შიგნით უსაფრთხოების უზრუნველყოფა გარესამყაროსთან მიმართებით.

"აზროვნების ეს ინერცია უარყოფით შედეგს მოიტანს, რადგან დისკუსიის ასეთი მიმართულება საფრთხეების არასწორი შეფასების აღმოცენებამდე მიდის“, - განაცხადა კოსაჩოვმა.

კოსაჩოვმა ხაზი გაუსვა იმას, რომ საერთაშორისო ტერორიზმის საფრთხე არა მხოლოდ ნატო-ს წევრი ქვეყნებისკენ არის მიმართული, არამედ ეს გლობალური საფრთხეა. „და ამ კუთხითაც გარღვევა არ ყოფილა, არ ყოფილა ახალი საინტერესო შემთხვევები“, - დასძინა მან.

მისივე თქმით, რუსეთთან მიმართებაში დისკუსიები „შავ-თეთრ“ ფერებში წარიმართა.

„ალიანსის წარმომადგენლების აზრით, ჩვენი ქვეყანა მაქსიმალურად პრობლემური და არაპროგნოზირებადია, რომელიც საბჭოთა იმპერიის აღდგენას ცდილობს, რომელიც საკუთარი მეზობლების საქმეებში ჩარევას ცდილობს. ასეთი ქვეყანა, მათი აზრით, მუდმივი კონტროლის ქვეშ უნდა იმყოფებოდეს“, - აღნიშნა კოსაჩოვმა.

ავტორი: ,

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს