კიევში პეტრო პოროშენკოს იმპიჩმენტის მოთხოვნით ოპოზიციის მომხრეთა მარში მიმდინარეობს.

აქციაზე, ოდესის ყოფილი გუბერნატორის მიხეილ სააკაშვილის მხარდამჭერების გარდა  სხვადასხვა ოპოზიციის წარმომადგენლები და მათი მხარდამჭერებიც იმყოფებიან. 

მთავარი მოთხოვნა უკრაინის პრეზიდენტის პეტრო პოროშენკოს იმპიჩმენტია. ისინი სააკაშვილის  ქვეყნიდან გაძევებას აპროტესტებენ და ხელისუფლების გადადგომას მოითხოვენ.

მარშის გამო, კიევის ცენტრში რამდენიმე ქუჩაა გადაკეტილი. ჩაიკეტა ცენტრისკენ მისასვლელი რამდენიმე მეტროსადგური.

ხელისუფლების  განცხადებით,  დაკეტილი მეტროსადგურები შესაძლოა დანაღმულია და მათი შემოწმება მიმდინარეობს. 

თუმცა ოპოზიცია აცხადებს, რომ ხელისუფლება მოსახლეობას ხელს უშლის, რათა მათ აქციაზე მოსვლა შეძლონ. 

მარში შევჩენკოს პარკიდან უნდა დაწყებულიყო და მაიდანზე აქციით გაგრძელებულიყო, თუმცა მეტროსადგურების ბლოკირების გამო, ორგანიზატორებმა აქციის ჩატარების ადგილი შეცვალეს და მხარდამჭერებს მიხაილოვის მოედანზე შეკრებისკენ მოუწოდეს.

უკრაინიდან გაძევების მიუხედავად, პარტია „ახალი ძალების მოძრაობის“ ლიდერმა, მიხეილ სააკაშვილმა, დაგეგმილი აქციის ჩატარებაზე უარი არ თქვა. 

ორი კვირის წინ გამართულ მარშზე მიხეილ სააკაშვილმა პეტრო პოროშენკოს ულტიმატუმი წაუყენა, რომ ის 18 თებერვლამდე გადამდგარიყო.

ავტორი: ,

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს