ზურაბ პატარაძე ფაროსანასთან ბრძოლის სამთავრობო კომისიის სხდომას დაესწრო

2018-02-16 14:32:33, 893 ნახვა

რეგიონი

აჭარის ა.რ. მთავრობის თავმჯდომარე „ქვეყანაში აზიური ფაროსანას წინააღმდეგ გასატარებელი ღონისძიებების შესახებ" სამთავრობო კომისიის სხდომას დაესწრო. კომისიამ, რომლის შემადგენლობაშიცსამინისტროების, აჭარისა და აფხაზეთის ავტონომიური რესპუბლიკების წარმომადგენლები, ასევე, საპარლამენტო კომიტეტების თავმჯდომარეები, მეცნიერებათა ეროვნული და სოფლის მეურნეობისმეცნიერებათა აკადემიების ხელმძღვანელები შედიან, ფაროსანასთან ბრძოლის 2018 წლის გეგმა დაამტკიცა.

გარემოს დაცვისა და სოფლის მეურნეობის მინისტრმა, ლევან დავითაშვილმა კომისიის წევრებს სამინისტროს მიერ უკვე ჩატარებული ღონისძიებების შესახებ ინფორმაცია მიაწოდა და დღეს არსებულიმდგომარეობა გააცნო. დავითაშვილმა აზიურ ფაროსანასთან ბრძოლაში სახელმწიფოს როლის მნიშვნელობასა და ბრძოლის ღონისძიებებში სახელმწიფო უწყებების კომპეტენციების ფარგლებშიჩართულობის აუცილებლობაზე ისაუბრა.

„უკვე დაიგეგმა ღონისძიებები და სამთავრობო კომისიაში შემავალ უწყებებს შორის გადანაწილდა ფუნქციები. კომისია მთელი წლის განმავლობაში იმუშავებს და მონიტორინგს გაუწევს იმ სტრატეგიისშესრულების მიმდინარეობას, რომელიც 2018 წლისთვის აზიურ ფაროსანასთან ბრძოლის კუთხით არის დაგეგმილი", - განაცხადა მინისტრმა.

საქართველოს რეგიონული განვითარებისა და ინფრასტრუქტურის სამინისტრო ადგილობრივ თვითმმართველობებზე გაცემული დავალებების კოორდინაციას განახორციელებს და ქვეყნის მასშტაბითშესაბამისი ტექნიკისა და ადამიანური რესურსის მობილიზებას მოახდენს. საქართველოს შრომის, ჯანმრთელობისა და სოციალური დაცვის სამინისტრო უზრუნველყოფს მოსახლეობის ინფორმირებას, თუროგორ უნდა ებრძოლონ ფაროსანას საცხოვრებელი სახლის პირობებში, ასევე, მოამზადებს შესაბამის საინფორმაციო ბუკლეტებს.

განათლების სამინისტრო სამეცნიერო წრეებთან იმუშავებს, ფინანსთა სამინისტრო კი, საზღვრებზე ფიტოსანიტარულ რეჟიმს გააძლიერებს.

ზურაბ პატარაძემ კომისიას იმ ღონისძიებების შესახებ მიაწოდა ინფორმაცია, რომელიც ამ მიმართულებით აჭარის ავტონომიურ რესპუბლიკაში განხორციელდა ადგილობრივი თუ ცენტრალური უწყებებისმხარდაჭერით. აჭარის მთავრობის თავმჯდომარემ ასევე სრული მზადყოფნა გამოთქვა ფაროსანას წინააღმდეგ დაგეგმილ ღონისძიებებში რეგიონის უწყებების სრულ ჩართვასთან დაკავშირებით.

რეგიონებში ადგილობრივ ხელისუფლებას მოხალისეების ჯგუფების შექმნის კოორდინაცია დაევალათ. ასევე, გარემოს დაცვისა და სოფლის მეურნეობის სამინისტროსთან ერთად სკვერების, ბაღების,სახელმწიფო შენობა-ნაგებობებისა და მიმდებარე ტერიტორიების შეწამვლის შესაბამისი გეგმისა და გრაფიკის შედგენა უნდა მოახდინონ. როგორც კომისიის სხდომაზე აღინიშნა, ყველა სამთავრობო უწყებასაკუთარ ბალანსზე არსებული შენობა-ნაგებობების ქიმიური და მექანიკური ღონისძიებების ჩატარებას განახორციელებს.

სამთავრობო კომისია 2018 წლის 30 იანვარს შეიქმნა. კომისიის წევრები სისტემატურად შეიკრიბებიან.

(NS)