"თიბისი ბანკის" გენერალური დირექტორის, ვახტანგ ბუცხრიკიძის, განცხადებით, 2%-იანი ეკონომიკური ზრდა 2015 წლისთვის მისაღებია. ამის შესახებ ბუცხრიკიძემ ჟურნალისტებს  საქართველოს საინვესტიციო  მიმოხილვის სესიის დასრულების შემდეგ განუცხადა.

მისივე თქმით, მნიშვნელოვანია, რომ  კერძო სექტორმა,  ეროვნულმა ბანკმა და  მთავრობამ ერთობლივად  განსაზღვრონ ინიციატივები, რომლებიც 2016 წლისთვის უნდა განხორციელდეს.

"მე ვფიქრობ, ევროპის  ბანკმა გაანახლა თავისი პროგნოზები, აქედან გამომდინარე, ჩემთვის არ იყო სიახლე, ჩვენი შიდა პროგნოზები რაც არის,  დაახლოებით ემთხვევა ევროპის  რეკონსტრუქციისა და განვითარების ბანკის პროგნოზებს და ვფიქრობთ, რომ ზრდა ალბათ საბანკო სექტორის არ იქნება ისეთი,  როგორიც იყო 2014 წელს, ალბათ ზრდა უფრო ნაკლები იქნება. ჩვენს რეგიონში გარშემო ქვეყნებში საკმაოდ რთული ეკონომიკური ვითარებაა.მე ვფიქრობ,  2%-ით პლიუსით ზრდა წლევანდელი წლისთვის მისაღებია. ალბათ მთავარია, ჩვენ კერძო სექტორმა ეროვნულმა ბანკმა, მთავრობამ ერთობლივად განვსაზღვროთ ინიციატივები, რომლებიც 2016 წლისთვის უნდა განხორციელდეს",-განაცხადა ვახტანგ ბუცხრიკიძემ.

ცნობისთვის, EBRD –მა საქართველოს 2015 წლის ეკონომიკური ზრდის პროგნოზი შეამცირა.ევროპის რეკონსტრუქციისა და განვითარების ბანკის მიერ გამოქვეყნებულ რეგიონული ეკონომიკურ პერსპექტივების ანგარიშში ნათქვამია, რომ 2015 წელს საქართელოში ეკონომიკური ზრდა სავარაუდოდ 2.3%–მდე შემცირდება. 2016 წელს კი, საქართველო ეკონომიკა 2.6%–ით გაიზრდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება