მედიის ცნობით რუსეთში თვითმფრინავი ვერტმფრენთან შეჯახების შედეგად ჩამოვარდა

2018-02-11 18:48:38, 2234 ნახვა

მსოფლიო

რუსული მედიის ინფორმაციით, მოსკოვის სიახლოვეს ჩამოვარდნილი თვითმფრინავი საფოსტო ვერტმფრენს შეეჯახა.

"რია ნოვოსტის" ცნობით, ფოსტაში ამ ინფორმაციას უარყოფენ და ამტკიცებენ, რომ მათ ვერტმფრენები საერთოდ არ ჰყავთ.

თვითმხილველების ცნობით, ჩამოვარდნამდე ვერტმფრენის ფრთის ქვეშ აფეთქება დაინახეს. შეგახსენებთ, რომ „სარატოვის ავიახაზების“ კუთვნილი სამგზავრო ლაინერი ან-148 რადარებიდან დომოდედოვოს აეროპორტიდან აფრენის შემდეგ მალევე გაუჩინარდა.

ადგილზე მაშველების ორი „მი-8“ ტიპის ვერტმფრენი გაემგზავრა. აღმოჩენილია თვითმფრინავის ნარჩენები. ადგილზე მისული მაშველების განცხადებით, თვითმფრინავის ნაწილები, დაახლოებით, ერთი კილომეტრის მონაკვეთზეა გაფანტული.

ბორტზე 65 მგზავრი და ექვსი ეკიპაჟის წევრი იმყოფებოდა. ყველა დაიღუპა. ადგილზე მობილიზებულები არიან მაშველები და საგანაგებო სამსახურების მაღალჩინოსნები.

მიმდინარეობს გამოძიება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები