საქართველოს პრეზიდენტის გიორგი მარგველაშვილის ინიციატივით, არაძალადობრივ დანაშაულებებთან მიმართებაში შეწყალების წესი იცვლება და უფრო ჰუმანური ხდება, - ამის შესახებ შეწყალების კომისიის თავმჯდომარემ, ზვიად ქორიძემ, დღეს გამართულ ბრიფინგზე განაცხადა.

როგორც ქორიძემ აღნიშნა, ცვლილებების თანახმად ჰუმანური მიდგომა იმ პირების მიმართაც იქნება გამოყენებული, რომლებმაც დანაშაული პირველად ჩაიდინეს.

მისივე განმარტებით, ცვლილებები ასევე იმ მსჯავრდებულებსაც შეეხებათ, რომლებმაც ნარკოდანაშაული ჩაიდინეს.

"საქართველოს პრეზიდენტმა შეწყალების კომისიას მისცა საშუალება, რომ ვადის კრიტერიუმების გარეშე განიხილოს იმ მსჯავრდებულთა თხოვნა შეწყალების თაობაზე, რომლებმაც ჩაიდინეს ნარკოტიკული დანაშაულები, გარდა ნარკოტიკული და ფიქოტროპული საშუალებების გასაღებისა, ასევე განსაკუთრებით დიდი ოდენობით ნარკოტიკული საშუალებების შეძენა-შენახვისა და შემოტანა-ტრანზიტისა. შეწყალების კომისიამ ასევე არსებითად შეიძლება განიხილოს იმ პირთა შეწყალების თხოვნა, რომლებიც არიან გასამართლებული სისხლის სამართლის კოდექსის 381-ე მუხლით - ეს არის სასამართლოს გადაწყვეტილების უგულებელყოფა. ასეთივე წესით კომისიამ უნდა განიხილოს იმ პირის თხოვნა შეწყალების თაობაზე, რომელმაც პირველად ჩაიდინა დანაშაული საკუთრების წინააღმდეგ ეკონომიკური, ფინანსური და სამოხელეო ხასიათის დანაშაულები და ეს დანაშაულები მას არ ჩაუდენია ძალადობით ან ძალადობის მუქარით. ის, რომ ნარკოდანაშაულებთან დაკავშირებით არის ასეთი ჰუმანური მიდგომა შეწყალების მექანიზმში, ეს რა თქმა უნდა არის გამოწვეული იმ საზოგადოებრივი პროცესებით, რომლებიც ქვეყანაში მიმდინარეობს. რაც შეეხება სხვა არაძალადობრივი სახის დანაშაულებს პრეზიდენტმა აქაც გამოხატა ჰუმანური ნება", - განაცხადა ქორიძემ.

ავტორი: ,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს