რესპუბლიკურ საავადმყოფოში მყოფი დაჭრილი მოზარდების ჯანმრთელობის მდგომარეობა სტაბილურია.

როგორც ჟურნალისტებს ექიმმა თეა თავართქილაძემ განუცხადა, პაციენტებს გულ-მკერდის ზედაპირზე ნაკვეთ-ნაჩხვლეტი ჭრილობა აღენიშნებათ.

მისივე თქმით, ამ ეტაპისთვის ქირურგიული ჩარევა არ იგეგმება.

„პაციენტები მოვიდნენ თვითდინებით. ორივეს აღენიშნება გულ-მკერდის წინა ზედაპირზე მარცხენა ნახევარზე ნაკვეთ-ნაჩხვლეტი ჭრილობა. შესაბამისი კვლევებით დასტურდება, რომ ჭრილობა არის შემავალი. პაციენტების მდგომარეობა არის სტაბილური. ქირურგიული ჩარევა არ იგეგმება ამ ეტაპისთვის“, - განაცხადა თეა თავართქილაძემ.

შეგახსენებთ, რესპუბლიკურ საავადმყოფოში ორი დაჭრილი მოზარდი რამდენიმე საათის წინ შეიყვანეს.  არსებული ინფორმაციით, ისინი 35-ე საჯარო სკოლის მოსწავლეები არიან.

ამ დროისთვის უცნობია, თუ რა ვითარებაში მოხდა ახალგაზრდების დაჭრა.

შინაგან საქმეთა სამინისტრომ მომხდარზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია