შსს ე.წ. მართლწესრიგის ოფიცრის ინსტიტუტის დანერგვას თბილისის მასშტაბით გაზაფხულიდან გეგმავს

2018-01-30 18:18:06, 3171 ნახვა

სამართალი

შინაგან საქმეთა მინისტრის მოადგილე ნინო ჯავახაძემ ე.წ. მართლწესრიგის ოფიცრის ინსტიტუტთან დაკავშირებით განმარტება გააკეთა.

მისი თქმით, მართლწესრიგის ოფიცრის ინსტიტუტი ე.წ. უბნის ინსპექტორის ინსტიტუტია, რომლის მუშაობის საბოლოო შედეგი დანაშაულის პრევენცია უნდა იყოს. მინისტრის განცხადებით, მართლწესრიგის ოფიცერი უშუალო კონტაქტში შედის თავისი უბნის მოსახლეობასთან, აგროვებს ინფორმაციას, განსაკუთრებით ოჯახური კონფლიქტის ნაწილში, ასევე სხვა ტიპის დანაშაულის პრევენციისთვის:

„ეს არის მთელ მსოფლიოში, მართლწესრიგის ოფიცერი არის დანაშაულის პრევენციის ერთ-ერთი ყველაზე ეფექტიანი მექანიზმი. ეს არის პირი, რომელიც უშუალო კონტაქტში შედის თავისი უბნის მოსახლეობასთან, აგროვებს ინფორმაციას განსაკუთრებით ოჯახური კონფლიქტის ნაწილში, მართლწესრიგის ოფიცერი არის ეფექტიანი ინსტრუმენტი ოჯახური კონფლიქტის პრევენციისთვის, ასევე სხვა ტიპის დანაშაულის პრევენციისთვის“,-განაცხადა ჯავახაძემ „იმედის“ ეთერში და დასძინა, რომ აღნიშნულთან დაკავშირებით შინაგან საქმეთა მინისტრი უახლოეს მომავალში წარადგენს დეტალურ კონცეფციას, ხოლო გაზაფხულიდან თბილისის მასშტაბით იგეგმება ამ ინსტიტუტის დანერგვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები