რუსეთში ე.წ. კანონიერი ქურდი ვასილ მონიავა დააკავეს

2018-01-30 14:51:36, 1824 ნახვა

სამართალი

რუსეთში ქართველი ე.წ. კანონიერი ქურდი ვასილ მონიავა დააკავეს, - ამის შესახებ Tltgorod იუწყება.

მედია საშუალების ინფორმაციით, მონიავა სამარის ოლქის სოფელ პოდსტეპკებში დააკავეს. ის იმ ავტომობილში იმყოფებოდა, რომელიც სანომრე ნიშნების გარეშე მოძრაობდა.

ავტომობილის დათვალიერების დროს მონიავას სავარძლის ქვეშ სამართალდამცველებმა РГД-5-ის ტიპის ყუმბარა და ხელყუმბარის ფალია (УЗРГМ-77-58) აღმოაჩინეს. ადგილობრივმა პოლიციამ მომხდართან დაკავშირებით სისხლის სამართლის საქმე “საბრძოლო მასალის მართლსაწინააღმდეგო შენახვისა და გადაზიდვის” მუხლით აღძრა.

ცნობისთვის, ვასილ მონიავა, იგივე “ვასო” 1956 წელს ქალაქ ხონში დაიბადა. 1976 წელს ის ე.წ. კანონიერ ქურდად "მონათლეს". საერთო ჯამში საპატიმრო დაწესებულებებში დაახლოებით 20 წელი გაატარა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები