თბილისის საქალაქო სასამართლო ტერორიზმის  ხელშეწყობის ბრალდებით დაკავებული  კიდევ ერთი პირის ანატოლი ბერძენიშვილის მიმართ აღკვეთის ღონისძიების შეფარდების საკითხზე მსჯელობს.

პროკურატურა პატიმრობის გამოყენებას ითხოვს, ადვოკატები კი ბერძენიშვილის აღკვეთის ღონისძიების  გარეშე დატოვების შუამდგომლობას დააყენებენ.

სხდომა მედიისთვის დახრულ რეჟიმში მიმდინარეობს. ანატოლი ბერძენიშვილი ბრალს არ  აღიარებს და ამ  დრომდე დუმილის უფლებით სარგებლობს.

მისი ადვოკატები ადასტურებენ, რომ ანატოლი ბერძენიშვილი  ახმედ ჩატაევს იცნობდა, თუმცა მასთან, ადვოკატებისვე მტკიცებით, მეგობრული ურთიერთობა არ აკავშირებდა.

„ანატოლი ბერძნიშვილი ხშირად გადადიოდა თურქეთში, ვინაიდან ის აშენებდა ტაძრებს  და მასალა გადმოჰქონდა თურქთიდან.მათ შორის ნოემბერშიც იქნებოდა. ჩატაევს იცნობდა, დიდი ხნის ნაცნობობა ჰქონდა. არ მეგობრობდნენ“,-აღნიშნა ადვოკატმა   და დასძინა, რომ საქმეში ბრალის დამადასტურებელი არანაირი ვიდეოკადრები, ან ჩანაწერები არ არსებობს.

რაც შეეხება იმას, თუ რა ვითარებაში გაიცნო ანატოლი ბერძენიშვილმა ახმედ ჩატაევი, ბერძენიშვილის კიდევ ერთი ადვოკატი ინგა ბოლოთაშვილი ვარაუდობს, რომ ეს 2013 წელს მოხდა, როდესაც ჩატაევი საქართველოში იმყოფებოდა.

სახელმწიფო უსაფრთხოების სამსახურის ინფორმაციით, გამოძიების ამ ეტაპზე  დადგენილია, რომ დაკავებული ანატოლი ბერძენიშვილი ჩავიდა თურქეთში ახმედ ჩატაევის და მისი დაჯგუფების წევრების დასახმარებლად.

„დაკავებულმა, ზურაბ გორნაკაშვილთან და ზურაბ იდოიძესთან ერთად,ახმედ ჩატაევს და  მისი დაჯგუფების წევრებს დახმარება გაუწია თურქეთ-საქართველოს საზღვართან, კირნათი-მარადიდის  მწვანე ზოლის მონაკვეთამდე გადაადგილებაში“,-აცხადებენ სუს-ში.

გამოძიება საქართველოს სსკ-ის 331- ე პრიმა მუხლის  მესამე ნაწილით მიმდინარეობს,რაც ტერორიზმის დაფინანსებას ,ტერორისტული საქმიანობის სხვაგვარ მატერიალურ მხარდაჭერას ან რესურსებით უზრუნველყოფას გულისხმობს,რამაც მძიმე შედეგი გამოიწვია. სასჯელის ზომად  17 დან 20 წლამდე  ვადით ან უვადო თავისუფლების აღკვეთას ითვალისწინებს.

საერთო ჯამში, ჩატაევისა და მისი დაჯგუფების წევრების დახმარებისთვის  ანატოლი ბერძენიშვილის გარდა, სხვადასხვა დროს რუსლან ალდამოვი, ბადურ ჩოფანაშვილი, რამაზ მარგოშვილი და ზურაბ დუდაევი არიან დაკავებული.

ავტორი: ,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება