„ბახალას“ ადვოკატი: საქალაქო სასამართლოს გადაწყვეტილებას გავასაჩივრებთ

2018-01-24 11:46:40, 2100 ნახვა

სამართალი

მსახობ გიორგი გიორგანაშვილის ადვოკატის გიორგი მახარაძის განცხადებით, დაცვის მხარე საქალაქო სასამართლოს გადაწყვეტილებას ზემდგომ ინსტანციაში გაასაჩივრებს.

როგორც მახარაძემ ჟურნალისტებს განუცხადა, ის სამოქმედო გეგმაზე თავის დაცვის ქვეშ მყოფთან იმსჯელებს.

"დაკავების შემდეგ დღეს გიორგის პირველად მოვინახულებ. ვისაუბრებთ განაჩენზე, ასევე სამომავლო გეგმებზე ანუ რა სტრატეგიით ვიმოქმედებთ. თუმცა უფრო დეტალურად სტრატეგიაზე მას შემდეგ ჩამოვყალიბდებით რაც განაჩენს სრულად მივიღებთ. რა თქმა უნდა გავასაჩივრებთ სასამართლოს გადაწყვეტილებას", - განაცხადა ადვოკატმა.

ცნობისთვის, ადვოკატი გიორგი გიორგანაშვილს გლდანის #8-ე ციხეში ხვდება.

შეგახსენებთ, რომ "ბახალას" გუშინ თბილისის საქალაქო სასამართლომ 8 წლით თავისუფლების აღკვეთა მიუსაჯა. მსახიობი გიორგი გიორგანაშვილი დიდი ოდენობით ნარკოტიკული ნივთიერების, ბუპრენორფინის შენახვის ბრალდებით 2017 წლის იანვარში დააკავეს.იგი წინასწარი პატიმრობიდან 20 000 ლარიანი გირაოს სანაცვლოდ გათავისუფლდა. გიორგი გიორგანაშვილი ბრალს არ აღიარებს და ამბობს, რომ ნარკოტიკი ჩაუდეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები