2015-05-13 12:49:45, 932 ნახვა
ეკონომიკა
იანვარ-აპრილში ექსპორტი 26%-ით, იმპორტი კი 8%-ით შემცირდა
საქართველოს სტატისტიკის ეროვნულმა სამსახურმა 2015 წლის იანვარ-აპრილში საქართველოში საქონლით საგარეო სავაჭრო ბრუნვის წინასწარი მონაცემები გამოქვეყნა.
შემცირებულია როგორც ექსპორტი, ასევე იმპორტი. წინასწარი მონაცემებით, საქართველოში იანვარ-აპრილში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 3015 მლნ. აშშ დოლარი შეადგინა, რაც წინა წლის მაჩვენებელზე 13 პროცენტით ნაკლებია.
საქსტატის ინფორმაციით, ექსპორტი 689 მლნ. აშშ დოლარი იყო (26 პროცენტით ნაკლები), ხოლო იმპორტი 2326 მლნ. აშშ დოლარი (8 პროცენტით ნაკლები).
უარყოფითმა სავაჭრო ბალანსმა 2015 წლის იანვარ-აპრილში 1637 მლნ. აშშ დოლარი და საგარეო სავაჭრო ბრუნვის 54 პროცენტი შეადგინა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
