თბილისის მერის მოადგილე ილია ელოშვილი  თბილისის ბაგა-ბაღების მართვის სააგენტოს ხელმძღვანელ კახაბერ გვანცელაძესთან ერთად სამგორის რაიონში, №181 ბაგა-ბაღში იმყოფებდა, სადაც  სააღმზრდელო პროცესი, ზამთრის არდადეგების შედეგ,   დღეს განახლდა.  

თბილისის მერიის ინფორმაციით, მერის მოადგილემ ბაგა-ბაღის შენობა დაათვალიერა, თანამშრომლებს შეხვდა და აღსაზრდელებს  სააღმზრდელო წლის განახლება მიულოცა. 

ილია ელოშვილის თქმით, თბილისში არსებული  საბავშვო ბაგა-ბაღები სააღმზრდელო პროცესის განახლებისთვის სრულ მზადყოფნაში არიან. 

„ვულოცავ  საბავშვო ბაგა-ბაღების ყველა პატარასა და აღმზრდელს  სააღმზრდელო წლის განახლებას  და ვუსურვებ წარმატებულ, ნაყოფიერ წელს.  ყველას კარგად გვესმის, რომ ეს არის უმნიშვნელოვანესი ეტაპი ბავშვის ცხოვრებაში.  მისი პირველადი განათლება დიდწილადაა  დამოკიდებულია იმაზე, თუ როგორ პირობებში უწევს მას ბაღში ყოფნა.  ჩვენ მაქსიმალურად ვცდილობთ, რომ  ბავშვებსაც და  მასწავლებლებსაც ჰქონდეთ ძალიან  კომფორტული პირობები.  მინდა განვაცხადო, რომ ბაგა-ბაღებს დღეს არანაირი შეფერხება არა აქვთ, მათ შორის კვების მიწოდების კუთხითაც   და არც ექნებათ. სასწავლო პროცესის განახლებას ყველა საბავშვო ბაგა-ბაღი სრულად მომზადებული ხვდება“- განაცხადა ილია ელოშვილმა.

ზამთრის არდადეგები ბაგა-ბაღებში 2017 წლის 25 დეკემბერს დაიწყო და 15 იანვარს დასრულდა. სააღმზრდელო  პროცესი თბილისში არსებულ  171-ვე  საჯარო  ბაგა-ბაღში დღეს განახლდა.

აღნიშნული ბაგა-ბაღები სკოლამდელი განათლებით  61 000 აღსაზრდელს უზრუნველყოფენ.

(NS) 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია