პანკისის ხეობაში დაჭრილი თემირლან მაჩალიკაშვილის ცხედარი წმინდა მიქაელ მთავარანგელოზის საავადმყოფოდან ლევან სამხარაულის ექსპერტიზის ეროვნულ ბიუროში გადაასვენეს, - ამის შესახებ ინფორმაციას კლინიკაში ადასტურებენ.

ექსპერტიზის პროცესში მონაწილეობას ოჯახის მოთხოვნით ჩართული დამოუკიდებელი ექსპერტი მაია ნიკალეიშვილიც მიიღებს. მისივე თქმით, ექპერტიზა აუცილებელია იმისათვის, რომ გარდაცვალების ზუსტი მიზეზი დადგინდეს.

"ოჯახი თავიდან გაკვეთაზე წინააღმდეგი იყო, თუმცა შემდეგ დათანხმდნენ. გაკვეთის გარეშე სიკვდილის მიზეზი არ დადგინდება", - განაცხადა დამოუკიდებელმა ექსპერტმა

საავადმყოფო მაჩალიკაშვილის ოჯახის წევრებმა და ადვოკატმა უკვე დატოვეს.

შეგახსენებთ, რომ 26 დეკემბერს პანკისის ხეობაში ჩატარებული სპეცოპერაციის დროს 19 წლის თემირლან მაჩალიკაშვილი თავის არეში დაჭრეს. ის თავდაპირველად თელავის რეფერალურ საავადმყოფოში, ხოლო მოგვიანებით წმინდა მიქაელ მთავარანგელოზის კლინიკაში გადაიყვანეს. თემირლან მაჩალიკაშვილი ორი კვირს განმავლობაში უგონო მდგომარეობაში იმყოფებოდა. ოჯახი მის საზღვარგარეთ გადაყვანას ითხოვდა. ჯანდაცვის სამინისტროს ხელმძღვანელობით ევროპისა და თურქეთის რამდენიმე კლინიკასთან მოლაპარაკებები მიმდინარეობდა. გუშინ, მაჩალიკაშვილის თურქეთის "კოჩის" კლინიკაში გადაყვანა გადაწყდა. თუმცა, დღეს დილით ის გარდაიცვალა. ექიმებმა მისი გადარჩენა ვერ შეძლეს.

ცნობისთვის, 4 იანვარს სახელმწიფო უსაფრთხოების სამსახურმა ბერი გაბრიელ სალოსის გამზირზე და პანკისის ხეობაში ჩატარებული სპეცოოპერაციის საქმეზე ვიდეომასალა გაასაჯაროვა. სუს-ის პრესსამსახურის უფროსის ნინო გიორგობიანის განცხადებით, ვიდეოკადრებში ჩანს ტერორიზმის ბრალდებით დაკავებულ და ლიკვიდირებულ პირებს შორის კავშირი. აღსანიშნავია, რომ კადრებში ასევე თემირლან მაჩალიკაშვილიც ფიგურირებს.

ავტორი: ,

სოციალური ქსელები

რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი

სიბიგა - შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით

CNN-ის დამფუძნებელი ტედ ტერნერი 87 წლის ასაკში გარდაიცვალა

რუსეთის ქალაქ რჟევში სახლებიდან, რომელსაც დრონები მოხვდა 350 ადამიანი ევაკუირებული იქნა