მოსკოვისა და სრულიად რუსეთის პატრიარქმა  კირილმა უწმინდესსა და უნეტარესს, სრულიად საქართველოს კათალიკოს პატრიარქს, ილია მეორეს 85 წლის იუბილე მიულოცა. მილოცვა რუსეთის საპატრიარქოს ოფიციალურ ვებგვერდზე გამოქვეყნდა.

“მის უწმინდესობასა და უნეტარესობას, სრულიად საქართველოს კათალიკოს პატრიარქს, უწმინდესსა და უნეტარეს, ილია მეორეს. თქვენო უწმინდესობავ და უნეტარესობავ, უფლის მიერ საყვარელო ძმაო და თანამსახურო! გულითადად გილოცავთ ღირსშესანიშნავ თარიღს - დაბადებიდან 85 წელს. 

ქრისტესთვის დიდი ხნის განმავლობაში მსახურების მანძილზე, თქვენ მეფე სოლომონის მსგავსად, გამოიჩინეთ სიბრძნე, მამამთავარ აბრაამის მსგავსად - სტუმართმოყვარეობის სათნოება, დავით მეფსალმუნის მსგავსად - შემოქმედებითი ტალანტები. ზრუნავთ რა იერარქთა, კლირის და საქართველოს ეკლესიის მრევლის სულიერ კეთილდღეობაზე, მათ სიყვარულით მოუწოდებთ დაუღალავად იზრუნონ, რადგან „ერთი რამ არის საჭირო (ლკ.10:42)“ და გაატარონ ცხოვრება წმინდად. მრავალი ბეჯითი შრომით დაიმსახურეთ ღრმა პატივისცემა და მაღალი ავტორიტეტი მართლმადიდებელ სამყაროში და ამჟამად ბრძანდებით ადგილობრივი ეკლესიის უხუცესი წინამძღოლი. 

დაე, მოწყალე მხსნელმა განაახლოს თქვენი უწმინდესობისა და უნეტარესობის ხორციელი და სულიერი ძალები და დაგეხმაროთ მაღალ საპატრიარქო საქმიანობაში.
ქრისტესმიერი ძმური სიყვარულით, მოსკოვისა და სრულიად რუსეთის პატრიარქი კირილი“, - ნათქვამია მისალოც წერილში.

გუშინ, სრულიად საქართველოს კათოლიკოს-პატრიარქის ილია მეორის დაბადების დღე იყო. კათოლიკოს-პატრიარქს 85 წელი შეუსრულდა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია