თბილისს საჩუქრად “MAN”-ის ახალი ავტობუსი გადაეცა. საახალწლოდ გაფორმებული ავტობუსით დღეს თბილისის მერმა კახა კალაძემ იმგზავრა და პირველ მგზავრებს ახალი წელი მიულოცა.

“კომპანია “MAN”-მა საჩუქად გადმოგვცა ერთი ახალი ლურჯი ავტობუსი და მადლობა მინდა გადავუხადო კომპანიას. თქვენ იცით, რომ ჩვენ დაგეგმილი გვაქვს არსებული ყვითელი ავტობუსების ავტოპარკის სრულად ჩანაცვლება, რაც მომდევნო ოთხი წლის განმავლობაში უნდა მოხდეს. საახალწლოდ ეს საჩუქარი ძალიან მნიშვნელოვანი და სასიამოვნოა. ავტობუსი არის მორთული საახალწლოდ. დავდივართ დედაქალაქის ქუჩებში და ვულოცავთ გაჩერებებზე მომლოდინე ადამიანებს, დედაქალაქის მცხოვრებლებს ახალ წელს”, - განაცხადა კახა კალაძემ.

გერმანულმა კომპანია „Man Truck and Bus AG“-იმ დედაქალაქს ახალი ავტობუსი საჩუქრად ევროპის რეკონსტრუქციისა და განვითარების ბანკის (EBRD) მხარდაჭერით განხორციელებული „თბილისის ავტობუსების პროექტის“ ფარგლებში გადასცა.

ახალი ავტობუსი ევროსტანდარტების შესაბამისი, ეკოლოგიურად სუფთა, CNG ძრავზე მომუშავე, ადაპტირებული და კომფორტულია, ისევე როგორც პროექტის ფარგლებში შეძენილი სხვა ავტობუსები.

ავტობუსის ღირებულება 190 000 ევროს შეადგენს.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია