თბილისის საქალაქო სასამართლოში პანკისსა და თბილისში დაკავებულების მიმართ აღკვეთის ღონისძიების შეფარდების პროცესზე, ცოტა ხნით ოჯახის წევრები შეუშვეს.

მათ პროცესი, რომელიც დახურულ რეჟიმში მიმდინარეობს, უკვე დატოვეს.

ერთ-ერთი დაკავებულის, რუსლან ალდამოვის დედის, დალი ალდამოვის განცხადებით, გაკვირკვებულები არიან ბრალდებით, რომელიც რუსლან ალდამოვს წარედგინა.

დალი ალდამოვას თქმით, მის შვილს წარმოდგენა არ აქვს იმ ბრალთან დაკავშირებით, რასაც გამოძიება უყენებს.

„გაკვირვებული ვართ. რუსლან ალდამოვი თავის ოჯახში საქმიანობდა, რემონტს აკეთებდა. რას აღიარებს, რას ლაპარაკობთ? წარმოდგენა არ აქვს რაშია დამნაშავე. მხოლდო ის ვიცით, რომ კარი შემოგვიმტვრიეს და წაიყვანეს ბავშვი“, - აღნიშნა დალი ალდამოვამ.

პროკურატურა რუსლან ალდამოვის, რამაზ მარგოშვილისა და ბადურ ჩოფანაშვილის მიმართ აღკვეთის ღონისძიების სახით პატიმრობის შეფარდებას ითხოვს.

სუს-ის იფნორმაციით, დაკავებულები დაკავშირებული არიან 21-22 ნოემბერს, თბილისში, ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და მათ ხელშემწყობ პირებს წარმოადგენენ. უსაფრთხოების სამსახურის ცნობით, დანაშაულებრივ ჯგუფთან კავშირზე მყოფი სხვა პირების გამოვლენის მიზნით, საგამოძიებო მოქმედებები გრძელდება.

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს