ჯანმრთელობის დაცვისა და სოციალურ საკითხთა კომიტეტის სათათბირო ოთახიდან ძლიერი ხმაურისა და დაპირისპირების ხმა ისმის.

 ჯანდაცვის კომიტეტის სხდომაზე დღეს „სპეციალურ კონტროლს დაქვემდებარებული ნივთიერებების და ნარკოლოგიური დახმარების შესახებ“ კანონპროექტი და მასთან დაკავშირებულ კანონებში ცვლილებები პირველი მოსმენით უნდა განეხილათ.

სხდომა სამ საათზე იყო ჩანიშნული, თუმცა ქვორუმის არ არსებობის გამო,  ვერ დაიწყო.

საქმე იმაშია, რომ კომიტეტის აპარატის წარმომადგენელის  ინფორმაციით,   7 დეპუტატი  ცვლილებებს ეწინააღმდეგება და კომიტეტზე დასწრებას არ აპირებს.

ეს დეპუტატები არიან: მირიან წიკლაური, ილია ნაკაშიძე, კობა ნაკაიძე, ლევან ბეჟანიძე, დიმიტრი მხეიძე და კობა ნარჩემაშვილი.

სათათბირო ოთახში იმყოფება ფრაქცია "ქართული ოცნების"თავმჯდომარე მამუკა მდინარაძეც. სავარაუდოდ, უმრავლესობის წევრებს შორის სერიოზული აზრთა სხვადასხვსობაა.

კანონპროექტის ძირითადი არსი მდგომარეობს პირის მიერ ნარკოტიკული ნივთიერებების პირადი მოხმარების მიზნით გამოყენებისა და მცირე ოდენობით ფლობის კრიმინალური პასუხისმგებლობისგან გათავისუფლებაში.

კანონპროექტების ავტორი საქართველოს ნარკოპოლიტიკის ეროვნული პლატფორმაა, ცვლილების ინიციატორები აკაკი ზოიძე, ლევან კობერიძე, დიმიტრი ცქიტიშვილი, ირინე ფრუიძე და სოფიო ქაცარავა არიან.

ავტორი: ,

სოციალური ქსელები

ლიკლიკაძე - მძიმე წარსულზე ლაპარაკისას, ადამიანს შეიძლება ცდომილება მოუვიდეს

ბოლო ერთი თვის განმავლობაში, საარსებო შემწეობა კიდევ 7 235 საქართველოს მოქალაქეს შეუწყდა

ყაზახეთი განიხილავს ნავთობის ექსპორტის დამატებით მარშრუტებს, მათ შორის ბაქო-თბილისი-ჯეიჰანს

თურქეთის პარლამენტის წევრებმა ანკარას მოუწოდეს, აღიაროს აფხაზური პასპორტები