საქართველოს პრემიერ-მინისტრი გიორგი კვირიკაშვილი, მთავრობის სხდომაზე ავსტრიაში საქართველოს ელჩის, კონსტანტინე ზალდასტანიშვილის გარდაცვალებას გამოეხმაურა.

პრემიერმა მომხდართან დაკავშირებით მწუხარება გამოთქვა და აღნიშნა, რომ ზალდასტანიშვილის გარდაცვალება საქართველოსთვის უდიდესი დანაკლისია.

„სხდომა მინდა დავიწყო იმ ადამიანზე, რომელიც ყველა ჩვენგანისთვის და ბევრისთის ამ დარბაზში ახლო მეგობარიც იყო. კოტე ზალდასტანიშვილი, რომელიც ძალიან ღირსეული ადამიანი იყო. მიჭირს მასზე წარსულ დროში საუბარი. სულ რამდენიმე დღის წინ გვქონდა ბოლო კომუნიკაცია. მართლაც გამორჩეული, ქართველი, ჩვენი მეგობარი ჩვენი დიპლომატიის ერთ-ერთი ყველაზე თვალსაჩინო წარმომადგენელი და ისეთი ადამიანი, რომელიც ყველას გვეამაყებოდა. ძალიან მძიმა ეს დანაკარგი. მე პირადად მისგან, იმ მოკლე პერიოდში როდესაც ვიყავი საგარეო საქმეთა მინისტრი, ძალიან ბევრი რამ ვისწავლე და სასარგებლო რჩევა მივიღე. მას განსაკუთრებით უხაროდა როდესაც უზიარებდა თავის გამოცდილებას და გამოცდილება მას ძალიან მდიდარი ჰქონდა. იყო ყოველთვის იქ სადაც საქართველოსთვის იყო ძალიან მნიშვნელოვანი და ყოველთვის გამორჩეულად იცავდა ქვეყნის ინტერესებს. ჩემთვის პირადად ეს დიდი დანაკლისია“, - განაცხადა გიორგი კვირიკასვილმა.

შეგახსენებთ, რომ 25 დეკემბერს ავსტრიის რესპუბლიკაში საქართველოს საგანგებო და სრულუფლებიანი ელჩი კონსტანტინე ზალდასტანისვილი გარდაიცვალა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს