საქართველოს იუსტიციის სამინისტროს მმართველობის სფეროში მოქმედმა სსიპ „დანაშაულის პრევენციის ცენტრმა“ თბილისის ხანდაზმულთა პანსიონატში წინასაახალწლო ღონისძიება გამართა.

პანსიონატის 56 ბენეფიციარს დამდეგი ახალი წელი დანაშაულის პრევენციის ცენტრის დირექტორმა თათია ხოჭოლავამ და პროგრამა „ორი თაობის“ მონაწილეებმა მიულოცეს. წინასაახალწლო ღონისძიების ფარგლებში  ორ თაობას შორის  ნარდსა და ჭადრაკში შეჯიბრიც გაიმართა. გამარჯვებულებს სიმბოლური საჩუქრები და ტკბილეული გადაეცათ.

სსიპ „დანაშაულის პრევენციის ცენტრის“ ინიციატივით პროგრამა „ორი თაობა“ აღნიშნულ პანსიონატში მესამე წელია  მიმდინარეობს. მისი მიზანი ახალგაზრდებში უფროსი თაობის მიმართ მზრუნველობისა და პასუხისმგებლობის გრძნობის განვითარებაა.  სკოლის მოსწავლეები, მოხალისეობრივ საწყისებზე, ხანდაზმულთა პანსიონატს  ყოველკვირეულად სტუმრობენ და  მოხუცებს ყოველდღიურ საქმიანობაში ეხმარებიან, უკითხავენ გაზეთებს, მონაწილეობენ ეზოსა და მიმდებარე ტერიტორიის კეთილმოწყობაში.

სსიპ „დანაშაულის პრევენციის ცენტრის“ საქმიანობის ერთ-ერთი მიმართულება ახალგაზრდებში მოხალისეობრივი საქმიანობის მხარდაჭერა, სამოქალაქო ცნობიერების ამაღლება და შემოქმედებითი ინიციატივების განვითარებაა, რომ მათ შეძლონ თავისუფალი დრო უფრო ნაყოფიერად და საინტერესოდ გაატარონ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია