„მერაბიშვილის საქმის ტიმოშენკოს და ლუცენკოს საქმეებთან შედარება შეუძლებელია", − ასე უპასუხა იუსტიციის მინისტრმა თეა წულუკიანმა პარლამენტის რიგგარეშე სხდომაზე დეპუტატების შეკითხვას.

„აქ მოყვანილი იყო ტიმოშენკოს და ლუცენკოს საქმეები. ფართო საზოგადოებამ შეიძლება არ იცოდეს და ამგვარ განცხადებებს შეცდომაში შეჰყავდეს, ამიტომ განვმარტავ: ამ ორი საქმის მერაბიშვილის საქმესთან შედარება, უბრალოდ, შეუძლებელია, რადგან ქალბატონი ტიმოშენკო ამტკიცებდა სტრასბურგის სასამართლოს წინაშე, რომ მისი დაკავება და წინასწარი პატიმრობა იყო უკანონო და თვითნებური. სტრასბურგის სასამართლომ მას უთხრა, რომ დიახ, თქვენი დაკავება და წინასწარი პატიმრობა იყო თვითნებური და უკანონოო და 2 ნაწილში დაუდგინა მე-5 მუხლის დარღვევა. ლუცენკოს საქმეზე, რომელიც აცხადებდა სტრასბურგის სასამართლოს წინაშე, რომ მისი დაკავება, შემდეგ წინასწარი პატიმრობა იყო უკანონო და თვითნებური, სტრასბურგის სასამართლომ დაადგინა, რომ მისი დაკავება, შემდგომი პატიმრობა იყო უკანონო და თვითნებური. ივანე მერაბიშვილის საქმეზე სტრასბურგის სასამართლომ თქვა სრულიად საპირისპირო. ჩვენ, ვინც აქ ვსხედვართ, საქართველოს მთავრობა, ვიყავით მოპასუხე. მერაბიშვილი ამტკიცებდა, რომ ლუცენკოსა და ტიმოშენკოს მსგავსად, ისიც უკანონოდ დააკავეს და უკანონოდ შეუფარდეს წინასწარი პატიმრობა. სტრასბურგის სასამართლომ კი თქვა, რომ ჩვენ წარვადგინეთ მასალები, რომლებიც ცხადყოფდა, რომ მერაბიშვილის დაკავება და წინასწარი პატიმრობის შეფარდება და შემდგომი პატიმრობა იყო კანონიერი. თუ ჩვენ ამისი დანახვა არ გვინდა, რა თქმა უნდა, არ არის არანაირი პრობლემა. ერთადერთი, რაც შემიძლია, შემოგთავაზოთ, არის ის, რომ სპეკულაციებით კი ნუ დავკავდებით, არამედ დაველოდოთ მინისტრთა კომიტეტის რეზოლუციას და შემდეგ გავაგრძელოთ ეს მსჯელობა, მაგრამ საზოგადოებას ნუ ეტყვით, რომ ლუცენკოსა და ტიმოშენკოს საქმეებზე დადგა ერთი და იგივე შედეგი. ვანო მერაბიშვილის ციხეში ყოფნის ყველა დღე სტრასბურგის სასამართლომ აღიარა კანონიერად! ეს არის პასუხი და მეტი ამ კითხვაზე არაფერი არ შეიძლება ითქვას", − განაცხადა თეა წულუკიანმა.

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს