თავდაცვისა და უშიშროების კომიტეტის თავმჯდომარე ირაკლი სესიაშვილმა პარლამენტში გამართული რამდენიმე კომიტეტის გაერთიანებული სხდომა შეაჯამა, სადაც მინისტრობის კანდიდატებს მოუსმინეს.

სესიაშვილის თქმით, დღეს კიდევ ერთხელ გამოჩნდა, რომ ოპოზიცია  პროგრესს ვერ ხედავს:

„დღეს კიდევ ერთხელ დავინახეთ, რომ ჩვენი ოპოზცია პროგრესს ვერ ხედავს, ვერ ხედავს იმიტომ, რომ  ეს არის მათი დღის წესრიგი, მაგრამ მინდა, მათ ვურჩიო, რომ შედარებას გადაეჩვიონ და ქალბატონმა თეამ ძალიან სწორად მოიყვანა ის მაგალითები. ბატონი გიგა ბოკერია როდესაც საუბრობს, რომ თურმე პოლიციის მიმართ ნდობა დაეცა, მაშინვე მახსენდება ის პოლიცია, რომელიც პოლიტიკურ დავალებებს იღებდა. ძალიან კარგად მახსოვს, როგორ ხდებოდა პოლიციის ნაწილის გამოყენება პოლიტიკურ ოპონენტებზე სანადიროდ, მიტინგების დასარბევად, შემდეგ სამწუხაროდ გვამებს პოულობდნენ, ან ეძებდნენ. თუ ბატონ ბოკერიას ასეთი პოლიციის მიმართ ნდობა ენატრება,  უკვე კარგად ჩანს მათი დამოკიდებულება ჩვენი პროგრესის მიმართ. ვისურვებდი, რომ პროგრესზე ვიყოთ ორიენტირებული. შეცდომებს ვუშვებთ, მაგრამ გვაქვს პოლიტიკური ნება, სურვილი, რომ მაქსიმალურად საზოგადოებაზე, სახელმწიფო ინტერესებზე ორიენტირებული პოლიტიკა გავატაროთ. ბატონო გიორგი (გახარია), ყველაზე მეტად გგულშემატკივრობთ, რადგან მართლაც სერიოზული გამოწვევების წინაშე ხართ, რაც ჩვენთვის ცნობილია. კიდევ ერთხელ დაუდასტურეთ ყველა პოლიციელს ჩვენი გულწრფელი თანადგომა“,-განაცხადა ირაკლი სესიაშვილმა.

იურიდიულ საკითხთა, ადამიანის უფლებათა, თავდაცვისა და უშიშროების,  საპროცედურო საკითხთა და წესების გაერთიანებულმა კომიტეტმა მთავრობის ახალ შემადგენლობას ნდობა გამოუცხადა.

ავტორი: ,

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს