საზოგადოებრივი მაუწყებლის გენერალური დირექტორის ვასილ მაღლაფერიძის განცხადებით, პრეზიდენტთან შეხვედრის დროს ვეტოზე საუბარი არ ყოფილა.

როგორც მაღლაფერიძემ აღნიშნა, პრეზიდენტს დეტალურად აუხსნა საზმაუს გეგმები და „მაუწყებლის შესახებ“ კანონში ცვლილებების პროექტის არსი.

"ვეტოზე საუბარი საერთოდ არ გვქონია. პრეზიდენტს ძალიან დეტალურად ავუხსენით ის გეგმები, რომელიც საზმაუს აქვს და ასევე პროექტის არსი, რომელიც პარლამენტში განიხილება. ამ კანონპროექტს ბევრი ჩვენი ოპონენტი ზოგი განზრახ და ზოგი უნებლიედ, არასწორად განმარტავს. ყველა მუხლი დეტალურად ჩავიარეთ და ვფიქრობ, რომ ეს იყო ძალიან შინაარსობრივი შეხვედრა. რაც უფრო მეტი იქნება ასეთი სარფიანი შეხვედრები მეტი ადამიანი გაეცნობა ვითარებას. ტრაგიკულად ნუ დავხატავთ, რომ საზმაუ საარსებო მინიმუმს გართმევთ. მედია პლურალიზმი არის თითოეული ადამიანის მონაპოვარი. ჩვენ ამ სიკეთეს უბრალოდ ვქმნით და ვართ ინსტრუმენტები. მედია პლურალიზმი ძლიერი საზოგადოებრივი მაუწყებლის გარეშე არ იქნება. საზმაუ არის ის ინსტიტუტი, გაეცანით მთელი მსოფლიოს პრაქტიკას, რომელიც არის მნიშვნელოვანი. რაც შეეხება შესყიდვებს, ამ თემით სპეკულირება ხდებოდა, ჩვენ ვითხოვდით არა შესყიდვებისგან გათავისუფლებას, არამედ პროდუქციის გათავიუფლებას ტენდერებისგან. ჩვენი მოთხოვნა კი არაა, არამედ ევროკავშირი ითხოვს, რომ ყველა საზმაუ ასეთი ტიპის ტენდერებისგან გათავისუფლდეს, რადგან ვისაც ტელევიზიასთან ახლოს მაინც გაუვლია იცის, რომ უაზრობაა, გადაცემა და სერიალი ტენდერით იყიდოს", - განაცხადა მან.

ცნობისთვის, პრეზიდენტი "მაუწყებლის შესახებ კანონში" შესატან ცვლილებებთან დაკავშირებით დღეს არასამთავრობო ორგანიზაციებს, მედიის წარმომადგენლებს და საზმაუს ხელმძღვანელობას შეხვდა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს