„არ შეიძლება ერთ ტელევიზიას, რომელიც ბიუჯეტიდან ფინანსდება, ჰქონდეს ბევრად მეტი ფული, კომერციულ არხებთან შედარებით“, - ამის შესახებ "ფონდ ევროპული ინიციატივა - ლიბერალური აკადემია თბილისის“ დამფუძნებელმა ლაშა ტუღუშმა განაცხადა.

როგორც ტუღუშმა აღნიშნა, "მაუწყებლის შესახებ კანონში" შეცდომაა დაშვებული და  პრეზიდენტმა მას ვეტო უნდა დაადოს.

"ეს არასწორია სახელმწიფოებრივადაც, არც ბიზნესის თვალსაზრისით არის სწორი. შეცდომაა დაშვებული ამ კანონში და იმედი მაქვს, პრეზიდენტი დაადებს ვეტოს. ტელევიზიებმაც  პირველ რიგში ხმა უნდა ამოიღონ. თუ თქვენ გექნებათ ძლიერი პროტესტი დარწმუნებული ვარ, რომ პარლამენტი ამ პროტესტს მოისმენს და ის გადათქვამს 2  მოსმენით მიღებულ კანონს. ეს კანონი არის ცუდი, შეიცავს კორუფციულ რისკებს, მიმართულია კომერციული არხების წინააღმდეგ. ეს კანონი არ უშველის საზოგადოებრივ მაუწყებელს. ის პირიქით გაურთულებს საქმეს მას  და წარმოქმნის კონფლიკტს სხვა არხებთან, რაც არასწორია. არ მგონია, რომ ბიუჯეტით დაფინასებული ტელევიზია მეგაშოუებზე უნდა ოცნებობდეს. ეს არ არის საზოგადოებრივი მაუწყებლის საქმე და მე ვურჩევ თქვენს მენეჯერებს გარკვეულიყვნენ, რა არის საზოგადოებრივი მაუწყებელი და რა არის კომერციული არხი",- განაცხადა ლაშა ტუღუშმა.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს