ახალგაზრდა იურისტთა ასოციაციის ხელმძღვანელის სულხან სალაძის განცხადებით, იმ პირობებში, როდესაც საზოგადოებრივ მაუწყებელს დაფინანსება ყოველწლიურად ეზრდება, აღარ უნდა ჰქონდეს პრეტენზია, კომერციულ რეკლამაზე შეღავათი მიიღოს.

სალაძის თქმით, საზმაუსთან დაკავშირებული პრობლემები, შესაძლოა, რამდენიმე ნაწილად დაიყოს.

"პირველი პეობლემა ეხება შესყიდვებს. კანონის დონეზე არ არსებობს მინიმალური  სტანდარტიც კი, შემოთავაზებულ ცვლილებებში, რომელიც განსაზღვრავს, როგორ მოხდება ამ პროდუქტების შერჩევა და შესყიდვა, ვინ მიიღებს გადაწყვეტილებას, რა პრინციპით მოხდება გადაწყვეტილებების მიღება. ამ უფლებამოსილებებს მხოლოდ საბჭოზე და მენეჯმენტზე გადაცემა არის შეცდომა, ვინაიდან ეს არის დაბალი სტანდარტი და რეალურად კანონმა უნდა განსაზღვროს მინიმალური სტანდარტი თუ როგორ მოხდება შესყიდვები.
მეორე საკითხი ეს არის სტარტაპები. არ არსებობს არანაირი რეგულაცია შემოთავაზებულ ცვლილებებში, მაგალითად მენეჯმენტსაც არ აქვს პოზიცია, თუ რა ნაწილი მიმართოს ბიუჯეტის სტარტაპებზე, რა ბედი ელის იმ თანხას რომელიც გაიხარჯება ამ კუთხით და არ გაამართლებს.
მესამე ნაწილი რეკლამის თემაა. საზოგადოებრივი მაუწყებლის მომავალი წლის დაფინანსება  დაახლოებით 53 მილიონი ლარია. ეს თანხა საქართველოში მთელი სარეკლამო ბაზრის ნახევარზე მეტი გამოდის და ამ ფონზე საზოგადოებივი მაუწყებლის მხრიდან მოთხოვნა, რომ გაეზარდოს კომერციული რეკლამის დრო, არის მიუღებელი. ამ პირობებში, როდესაც მაუწყებელს ყოველწლიურად ეზრდება დაფინანსება, აღარ უნდა ჰქონდეს პრეტენზია, კომერციულ რეკლამაზე მიიღოს მეტი შეღავათები.
კიდევ ერთი საკითხია  ეხება ბორდსა და მენეჯმენტს შორის უფლებამოსილების გამიჯვნას. საბჭო არ ამტკიცებს მხოლოდ მაუწყებლის ბიუჯეტს, ის ასევე ითანხმებს აჭარის მაუწყებლის ბიუჯეტს. თუკი საბჭო ჩათვლის, რომ საჭიროა აჭარის მაუწყებელს გაუზარდოს დაფინანსება, ის ამას ვეღარ გააკეთებს, თუკი არ იქნება გენერალური დირექტორის მიერ  ინიცირებული ცვლილებები. ეს არის ერთი მაგალითი რატომაც არის პრობლემური ამ უფლებამოსილების გამიჯვნა", - განაცხადა სალაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს