საფრანგეთის პრეზიდენტის ემანუელ მაკრონის განცხადებით, სირიის ლიდერი ბაშარ ასადი საერთაშორისო სასამართლოს წინაშე უნდა წარდგეს, - ამის შესახებ მაკრონმა ტელეკომპანია France24-თან ინტერვიუში განაცხადა.

როგორც მაკრონმა აღნიშნა, ასადმა პასუხი პირველ რიგში სირიელი ხალხის წინაშე უნდა აგოს.

"ჩვენ ახლახანს, კოალიციის მეშვეოობით მოვიგეთ ომი ერაყში. მგონია, რომ თებერვლის ბოლომდე ომს მოვიგებთ სირიაშიც. ბაშარ ასადი სირიელი ხალხის მტერია, თუმცა ჩვენ უნდა ვესაუბროთ მას და მის წარმომადგენლებს. ასადმა ჩადენილი დანაშაულის გამო სირიელი ხალხის წინაშე პასუხი უნდა აგოს, რის შემდეგაც საერთაშორისო სასამართლოს წინაშე უნდა წარსდგეს", - განაცხადა ემანუელ მაკრონმა.

ამასთან, საფრანგეთის პრეზიდენტმა დასძინა, რომ "ისლამურ სახელმწიფოსზე" გამარჯვების შემდეგ, ასადის მმართველობაც დასრულდება.

"კოალიციის პრიორიტეტი არ არის ასადის დამხობა. ჩვენ ISIS-ის წინააღმდეგ ვიბრძვით, თუმცა როდესაც ტერორისტული დაჯგუფება დამარცხდება, ასადის ხელისუფლების დროც მორჩება", - დასძინა ემანუელ მაკრონმა.

შეგახსენებთ, რომ 9 დეკემბერს ერაყის პრემიერ-მინისტრმა ჰაიდარ ალ-აბადიმ "ისლამურ სახელმწიფოზე" გამარჯვების შესახებ  განაცხადა.

ავტორი: ,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს