„მხოლოდ და მხოლოდ პრეზიდენტთან ქიშპობის გამო იყო შექმნილი კრიზისების მართვის საბჭო, რომელმაც 15  მილიონ ლარამდე გაფლანგა“, - ამის შესახებ „ევროპული საქართველოს“ წევრმა ირაკლი აბესაძემ პარლამენტის პლენარულ სხდომაზე განაცხადა.

 „თქვენ უშიშროების საბჭოს გაუქმებისას ერთადერთ არგუმენტად მოგყავდათ უსაფრთხოებისა და კრიზისების მართვის საბჭოს არსებობა.  თქვენ გვიმტკიცებდით, რომ ქვეყნის უსაფრთხოება  დიახაც  უმნიშვნელოვანესი იყო „ქართული ოცნებისთვის“ და ამის საკოორდინაციოდ მთავრობასთან და პრემიერ-მინისტრთან შექმნილი იყო უსაფრთხოების და კრიზისების მართვის საბჭო. ეს საბჭო განახორციელებდა იმ ფუნქციებს, რასაც ეროვნული უშიშროების საბჭო ახორციელებდა. ახლა, სამთავრობო ცვლილებების დროს აღმოვაჩინეთ და თავად მთავრობის საპარლამენტო მდივანი გვიცხადებს, რომ უსაფრთხოების და კრიზისების მართვის საბჭო უფუნქციო ორგანო იყო. გამოდის, რომ გასული 3 წლის განმავლობაში ტყუილად იფუნქციონირა და დღეს მთავრობამ  უბრალოდ გადაწყვიტა თავად აიღოს ეს ფუნქცია ისე, რომ უსაფრთხოების გამოწვევებში არაფერი შეცვლილა, თუ არ დამძიმდა კიდეც.  მხოლოდ და მხოლოდ პრეზიდენტთან ქიშპობის გამო იყო თავის დროზე შექმნილი  ეს უწყება,  რომელმაც 15 მილიონ ლარამდე გაფლანგა, რომლის ნახევარზე მეტი მხოლოდ და მხოლოდ ხელფასები იყო“, - მიმართა უმრავლესობას აბესაძემ.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს