თურქეთის პრეზიდენტის რეჯეპ ტაიფ ერდოღანის განცხადებით, 1923 წლის ლოზანის შეთანხმება, რომელმაც პირველი მსოფლიო ომის შემდეგ თურქეთსა და საბერძნეთს შორის საზღვრები დაადგინა, უსამართლოა. ინფორმაციას BBC ავრცელებს.

როგორც ერდოღანმა აღნიშნა, საბერძნეთში მუსლიმების მიმართ დამოკიდებულება მიანიშნებს, რომ ოფიციალური ათენი ლოზანის შეთანხმებას არ ასრულებს.

"მათ არ მიეწოდებათ შესაბამისი დახმარება ინვესტიციების სახით და მუსლიმების დისკრიმინაცია მიმდინარეობს",- განაცხადა თურქეთის პრეზიდენტმა.

მოგვიანებით, საბერძნეთის პრემიერ-მინისტრმა ალექსის ციპრასმა აღნიშნა, რომ ოფიციალური ათენი და ანკარა ნდომის განმტკიცების შესახებ ზომების მიღებაზე შეთანხმდნენ. ციპრასი თვლის, რომ მხარეებმა არსებული პრობლემები მშვიდად უნდა მოაგვარონ.

ცნობისთვის, მხარეებს შორის უთანხმოების მთავრი მიზეზი 1974 წელს თურქეთის ჯარების მიერ კვიპროსის ჩრდილოეთ ნაწილის ოკუპირების საკითხია. გარდა ამისა, ორ მეზობელ ქვეყანას სადავოა ეგეოსის ზღვაში დაუსახლებელი კუნძული და ხმელთაშუა ზღვის სამხრეთ-აღმოსავლეთით 2011 წელს აღმოჩენილი აფროდიტეს ბუნებრივი აირის რესურსი.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს