რუსეთის პრეზიდენტის პრეს-მდივნის დმიტრი პესკოვის შეფასებით, ამერიკის შეერთებული შტატების ლიდერის დონალდ ტრამპის გადაწყვეტილება იერუსალიმთან დაკავშირებით, რეგიონში არსებულ სიტუაციას უფრო მეტად ართულებს, - ამის შესახებ Ria იუწყება.

"შეშფოთებულები ვართ, დონალდ ტრამპის გადაწყვეტილებით. ვთვლით, რომ იერუსალიმის ესრაელის დედაქალაქად აღიარება, რეგიონში არსებულ სიტუაციას უფრო გაამძაფრებს. გარდა ამისა, ის არ შეუწყობს ხელს ურთიერთობების დარეგულირებას", - განაცხადა პესკოვმა.

ტრამპის გადაწყვეტილებას რუსეთის საგარეო საქმეთა სამინისტროც გამოეხმაურა.

როგორც რუსეთის საგარეო საქმეთა სამინისტროს განცხადებაშია აღნიშნული, ოფიციალური მოსკოვი ვაშინგტონის მიერ ისრაელში საელჩოს იერუსალიმში გადატანის განზრახვით სერიოზულად აღშფოთებულია.

"ჩვენ იმ მოცემულობიდან გამოვდივართ, რომ პალესტინა-ისრაელის კონფლიქტის საიმედო დარეგულირება უნდა იყოს მიღწეული საერთაშორისო სამართლის საფუძველზე. ასევე გაერო-ს უშიშროების საბჭოსა და გენერალური ასამბლეის რეზოლუციების შესაბამისად, რომლებიც პალესტინის ტერიტორიების სტატუსის ყველა ასპექტის მოგვარებას, მათ შორის იერუსალიმის სენსიტიური საკითხის მოგვარებას ითვალისწინებენ“, - ნათქვამია რუსეთის საგარეო უწყებაში.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს