კიევში საქართვველოს მესამე პრეზიდენტის მიხეილ სააკაშვილის დაკავებასა და უკრაინის ცენტრში განვითარებული მოვლენების შესახებ უცხოური მედია წერს.

“კიევში საქართველოს ყოფილი პრეზიდენტი მიხეილ სააკაშვილი დააკავეს” - ამ სათაურით მასალა BBC-მ გამოაქვეყნა. ბრიტანული მედია საშუალება კიევში განვითარებულ მოვლენებს აღწერს და ყურადღებას ამახვილებს, რომ სააკაშვილს უკრაინის მოქალაქეობა ჩამოართვეს, საქართველოში კი, მას პატიმრობა ემუქრება.

ბრიტანული გამოცემა The Guardian სააკაშვილის დაკავებაზე სტატიას სათაურით “საქართველოს ყოფილი პრეზიდენტი უკრაინაში დააკავეს” აქვეყნებს. The Guardian ყურადღებას სააკაშვილისა და უკრაინის პრეზიდენტის, პეტრო პოროშენკოს დაძაბულ ურთიერთობაზე ამახვილებს. აღსანიშნავია, რომ გამოცემა პოროშენკოს პრორუს პრეზიდენტად მოიხსენიებს.

კიევში განვითარებულ მოვლენებს ასევე სააგენტო Reuters აშუქებს. სტატიაში, სათაურით “ქაოტური სცენა, საქართველოს ყოფილი პრეზიდენტი კიევში დააკავეს” ნათქვმია, რომ მხარდამჭერებმა სამართალდამცავების მანქანის გარშემო ბარიკადები ააგეს.

კიევში განვითარებულ მოვლენებს Financial Times აღწერს. სტატიაში, სათაურით “უკრაინულმა პოლიციამ მოქალაქეობის არმქონე სააკაშვილი “სახურავის დრამაში დააკავა”, გამოცემა წერს, რომ უკრაინის პოლიციამ სააკაშვილს შენობა ძალის გამოყენებით დაატოვებინა. Financial Times ასევე, ყურადღებას ამახვილებს იმ ფაქტზე, რომ რამდენიმე კვირის წინ უკრაინიდან საქართველოში სააკაშვილის რამდენიმე მხარდამჭერი ძალადობრივად გამოაძევეს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს