საქართველოს მესამე პრეზიდენტი მიხეილ სააკაშვილი უმაღლეს რადასთან შეკრებილ მხარდამჭერებს სიტყვით მიმართავს.

რადასთან საპროტესტო აქცია მიმდინარეობს და მოსახლეობა უკრაინის პრეზიდენტის პეტრო პოროშენკოს იმპიჩმენტს ითხოვს.

"უკრაინას გაუმარჯოს. ისინი შეცდნენ, როდესაც ეგონათ, რომ პოროშენკო უკრაინაში პუტინის როლს შეასრულებდა, რადგან უკრაინელი ხალხი ძლიერი და სამართლიანია. მოსახლეობა მათ ამის საშუალებას არ მისცემს. კვირას ჩვენ გავმართეთ ყველაზე მასშტაბური მარში უკრაინის ისტორიაში 2013 წლიდან. ამის გამო, მათ დააკავეს ათობით აქტივისტი, რადგან შეეშინდათ. უნდა დასრულდეს კორუფცია და განუკითხაობა უკრაინაში. მოგიწოდებთ დღეს ყველა გამოხვიდეთ გარეთ. დღეს თქვენ გამომიყვანეთ და სიცოცხლე გადამირჩინეთ. ამიტომ, ჩემი სიცოცხლე თქვენ გეკუთვნით და მე ვიბრძლებ თქვენთვის", - მიმართა სააკაშვილმა მოსახლეობას.

მისივე თქმით, მას უკრაინაში თანამდებობის დაკავება არ სურს.

"არაფერი მჭირდება. არ მჭირდება თანამდებობები, ჩვენ უბრალოდ დავიღალეთ. უნდა ვაჩვენოთ, რომ დავიღალეთ და ყელში ამოგვივიდა ეს განუკითხაობა. სამსახურების მერე გამოდით გარეთ. მოედანი სავსეა, მაგრამ მოდით", - აღნიშნა ყოფილმა გუბერნატორმა.

აღსანიშნავია, რომ აქციის ერთ-ერთმა მონაწილემ სააკაშვილს უკრაინის ტრადიციული პერანგი გადასცა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს