მთავარი პროკურორის მოადგილის გიორგი გოგაძის ინფორმაციით, ხორავას ქუჩაზე მომხდარ მკვლელობასთან დაკავშირებით ყველა ძებნილი პირი დაკავებულია.

როგორც გოგაძემ განმარტა, საგამოძიებო მოქმედებები ისევ მიმდინარეობს. მისივე ინფორმაციით, საქმესთან დაკავშირებით 100-ზე მეტი მოწმეა დაკითხული.

"ეს არის ძალიან დინამიური პროცესი. ვსაუბრობთ რამდენიმე დღის წინ მომხდარ ფაქტზე. ყოველ საათში მოგვდის ახალი ინფორმაცია, თუმცა გამოძიების ინტერესებიდან გამომდინარე დეტალებზე ვერ ვისაუბრებთ. ყველა პირი ვისაც ვეძებდით დაკავებულია, თუმცა მიმდინარეობს საგამოძიებო მოქმედებები და შესაძლოა მონაცემები შეიცვალოს. 100-ზე მეტი ადამიანი დაიკითხა, მაგრამ ეს ციფრი საათობრივად იცვლება", - განაცხადა გოგაძემ.

შეგახსენებთ, 1 დეკემბერს, ხორავას ქუჩაზე ურთიერთშელაპარაკების დროს 2 მოსწავლე დაიჭრა. ერთ-ერთი საავადმყოფოში მიყვანამდე დაიღუპა, ხოლო მეორე მოზარდი სიკვდილს 20 საათზე მეტხანს ებრძოდა. დაჭრილი მოსწავლე რესპუბლიკურ საავადმყოფოში გადაიყვანეს, სადაც მას ოპერაცია ჩაუტარდა, თუმცა ექიმებმა მისი გადარჩენა ვერ შეძლეს. მოზარდები 51-ე საჯარო სკოლის მოსწავლეები იყვნენ. მომხდარზე გამოძიება სისხლის სამართლის კოდექსის 109-ე მუხლით მიმდინარეობს, რაც დამამძიმებელ გარემოებაში განზრახ მკვლელობას გულისხმობს.

ცნობისთვის, მომხდარ მკვლელობასთან დაკავშირებით, ერთი არასრულწლოვანი იმავე დღეს დააკავეს, ხოლო მეორე ეჭვმიტანილი ცოტა ხნის წინ პოლიციას ჩაბარდა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს