აჭარის მთავრობის თავმჯდომარე ზურაბ პატარაძე აცხადებს, რომ სასტუმრო "ლეო გრანდი" რამდენიმე თვის წინ შინაგან საქმეთა სამინისტროს სამაშველო სამსახურმა დააჯარიმა.

როგორც პატარაძემ აღნიშნა, ხანძართან დაკავშირებით არსებობს ბევრი კითხვის ნიშანი, რომელსაც პასუხს გამოძიება უახლოს მომავალში გასცემს

"თქვენ იცით, რომ გამოძიება დაწყებულია. ცოტა ხნის წინ დავასრულე საუბარი შს სამინისტროს წარმომადგენელთან, ასევე სხვადასხვა სამსახურების წარმომადგენლებთან გავმართეთ შეხვედრა. დაგიდასტურებთ, რომ არის ბევრი კითხვის ნიშანი, რომელსაც გამოძიება უახლოეს მომავალში პასუხს გასცემს. მინდა კიდევ ერთხელ ვთქვა, რომ კანონის სრული სიმკაცრით დაისჯება ყველა ის ადამიანი, არ აქვს მნიშვნელობა ეს სახელმწიფო დაწესებულებების თანამშრომლები იქნებიან თუ კერძო კომპანიის წარმომადგენლები, აბსოლუტურად ყველა დაისჯება და იქნება მაქსიმალური რეაგირება. მქონდა ინფორმაცია, რომ ეს სასტუმრო იყო დაჯარიმებული. დაჯარიმება შს სამინისტროს სამაშველო სამსახურის მიერ მოხდა", - განაცხადა აჭარის მთავრობის თავმჯდომარემ.

შეგახსენებთ, ხანძრის შედეგად, 11 ადამიანი დაიღუპა, მათ შორის, 10 საქართველოს, 1 კი, ირანის მოქალაქეა. ამასთან, დაშავდა 21 ადამიანი. მათგან 14 საავადმყოფოდან უკვე გაეწერა, 7 კი, სხვადასხვა კლინიკებში განაგრძობს მკურნალობას.

ხანძრის გამომწვევი მიზეზები ჯერჯერობით უცნობია. მომხდარზე გამოძიება სისხლის სამართლის კოდექსის 243-ე მუხლით მიმდინარეობს (უსაფრთხოების წესების უხეში დარღვევა, რასაც ადამიანების სიცოცხლე ემსხვერპლა“).

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა