საქართველოს მესამე პრეზიდენტს, მიხეილ სააკაშვილს უკრაინიდან ახალ წლამდე გააძევებენ, - ამის შესახებ ინფორმაციას Strana ძალოვან უწყებებში სანდო წყაროებზე დაყრდნობით ავრცელებს.

მედია საშუალების ინფორმაციით, გადაწყვეტილება სააკაშვილის დეპორტაციის შესახებ უკვე მიღებულია.

"სააკაშვილის უკრაინიდან გაძევებისთვის მზადება სპეცოპერაციის ფორმატში მიმდინარეობს. ქართველების დეპორტაცია, რომელიც ბოლო რამდენიმე დღის განმავლობაში განხორციელდა, ამ მომზადების და ოპერაციის ნაწილია. ამასთან, მნიშვნელოვანია ის ფაქტი, რომ სააკაშვილის დეპორტაცია საქართველოში არ მოხდება. მას მესამე ქვეყანაში გააძევებენ. აღნიშნული მესამე ქვეყანა კი, სავარაუდოდ პოლონეთი იქნება. სწორედ პოლონეთიდან გადმოვიდა ის უკრაინაში 10 სექტემბერს", - განაცხადა უკრაინის უსაფრთხოების სამსახურში მომუშავე წყარომ.

მისივე თქმით, ოპერაციაში მონაწილეობას ერთდროულად რამდენიმე ძალოვანი უწყება იღებს და ის უახლოეს კვირებში დასრულდება. წყარომ განმარტა, რომ სააკაშვილის დეპორტაციის მიზეზი შესაძლოა ყოფილი პრეზიდენტის მიერ უკრაინული კანონმდებლობის დარღვევა გახდეს, კერძოდ კი, ქვეყნის ტერიტორიაზე დარჩენის ვადების დარღვევა.

Strana შესაბამის ძალოვან უწყებებს დაუკავშირდა, თუმცა პრესსამსახურში აღნიშნული ინფორმაცია არც დაადასტურეს და არც უარყვეს.

წყარო ასევე იმას აცხადებს, სააკაშვილის გუნდისთვის უკრაინიდან ქართველების დეპორტაცია ძლიერი დარტყმა იყო.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს