თბილისის საქალაქო სასამართლომ დემირელის კოლეჯის პედაგოგის მუსტაფა ემრე ჩაბუქის ადვოკატების შუამდგომლობა არ დააკამყოფილა და ემრე ჩაბუქი საექსტრადიციო პატიმრობაში დატოვა.

მუსტაფა ემრე ჩაბუქს  პატიმრობის ვადა დღეს ეწურებოდა, თუმცა პროკურატურამ  საექსტრადიციო პატიმრობის ვადის 3 თვით გაგრძელება მოითხოვა, რაც მოსამართლე ნიკოლოზ მარგველაშვილმა გაითვალისწინა.

პროკურორის თქმით, არსებობს საფრთხე რომ მუსტაფა ემრე ჩაბუქი  გამოძიებას მიემალება და ხელს შეუშლის ექსტრადირების პროცედურებს. აღნიშნულს არ დაეთანხმა თავად ბრალდებული და დაცვის მხარე. ადვოკატებმა 10 000 ლარიანი გირაოს შუამდგომლობა დააყენეს, თუმცა, როგორც აღვნიშნეთ, ის მოსამართლემ არ დააკმაყოფილა.

ადვოკატები თბილისის საქალაქო სასამართლოს დღევანდელ გადაწყვეტილებას და ასევე ლტოვილთა სამინისტროს წინააღმდეგ ჩაბუქის სარჩელთან დაკავშირებით ორი დღის წინ მიღებულ გადაწყვეტილებას, სააპელაციო სასამართლოში გაასაჩივრებენ.

ემრე ჩაბუქი მისთვის ლტოლვილის სტატუსზე უარის თქმასთან დაკავშირებით, ლტოლვილთა სამინისტროს აქტის  ბათილად ცნობას ითხოვდა.

შეგახსენებთ, რომ მუსტაფა ემრე ჩაბუქი, თურქეთის ხელისუფლების მოთხოვნით, 24 მაისს საქართველოში დააკავეს. მას თურქეთი ტერორისტული ორგანიზაციის წევრობაში სდებს ბრალს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს