პროკურორ კოკა კაციტაძის განცხადებით, პატიმართა მიმართ დამამცირებელი და არაადამიანური მოპყრობის ბრალდებით დაკავებული პირები სასჯელაღსრულების დაწესებულების რიგითი თანამშრომლები არიან, რომლებიც უშუალოდ ასრულებდნენ დავალებებს. რაც შეეხება დამკვეთს, პროკურორი ამბობს, რომ ბრალდებულები გამოძიებასთან თანამშრომლობას აპირებენ და მზად არიან, დაასახელონ ის მაღალი თანამდებობის პირები, რომელთა დავალებითაც  ციხეებში პატიმრების წამება ხორციელდებოდა:

„ესენი არიან სასჯელაღსრულების დაწესებულების რიგითი თანამშრომლები, რომლებიც უშუალოდ ასრულებდნენ დავალებებს, უშუალოდ ახორციელებდნენ დამამცირებელ და არაადამიანური მოპყრობის ფაქტებს.  რამდენადაც ჩვენთვის ცნობილია, ხსენებული ბრალდებულები გამოთქვამენ მზადყოფნას, რომ ითანამშრომლონ გამოძიებასთან და დაასახელონ ის მაღალი რანგის თანამდებობის პირები, რომელთა დავალებითაც ხორციელდებოდა ციხეებში წამება და არაადამიანური მოპყრობა. შესაძლებელია სასჯელაღსრულების დაწესებულების დირექტორის, ან უფრო მაღალი თანამდებობის პირების მიმართაც გავიდეს გამოძიება“,-განაცხადა პროკურორმა.

შეგახსენებთ, საქართველოს პროკურატურის თანამშრომლებმა პატიმართა მიმართ დამამცირებელი და არაადამიანური მოპყრობის ბრალდებით, სასამართლოს განჩინების საფუძველზე, სასჯელაღსრულების დეპარტამენტის გლდანის N8 დაწესებულების და რუსთავის N6 დაწესებულების ხუთი ყოფილი თანამშრომელი დააკავეს.

როგორც პროკურატურაში გამართულ ბრიფინგზე გახდა ცნობილი, გამოძიებით დადგინდა, რომ 2011-2012 წლებში, სასჯელაღსრულების დეპარტამენტის N8 დაწესებულების სამართლებრივი რეჟიმის განყოფილების უფროსი და ამავე განყოფილების თანამშრომლები ლ.ბ. და დ.ხ., დასჯისა და დაშინების მიზნით პატიმრებს უსწორდებოდნენ ფიზიკურად და აყენებდნენ ღირსებისა და პატივის შემლახავ მდგომარეობაში.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს