ზიმბაბვეში, სამხედროებმა ქვეყნის პრეზიდენტი, რობერტ მუგაბე მძევლად აიყვანეს.

როგორც BBC  იუწყება  პრეზიდენტი გადადგომისთვის ემზადება. ასევე, მუგაბე  სამხედროებს შეუთანხმდა, რომ პირველ ლედის მისცენ უფლება, ქვეყანა თავისუფლად დატოვოს. 

ამასთან, სამხედროებმა სახელმწიფო ტელერადიოკომპანია ZBC-ს შენობა დაიკავეს. ადგილობრივი მედიის ცნობით, ტელევიზიის რამდენიმე თანამშრომელი სამხედროებმა სცემეს და საინფორმაციო გამოშვების ეთერში გასვლაც ჩაშალეს.

სახელმწიფო ტელევიზიის გარდა, სამხედროები დედაქალაქის მთავარ მაგისტრალებზე საგუშაგოებს აყენებენ. მთელ ქალაქში სროლის ხმა ისმის. ზიმბაბველმა სამხედროებმა განაცხადეს, რომ მათი მიზანი პრეზიდენტ რობერტ მუგაბეს გადაყენება და ძალისმიერი მეთოდებით ხელისუფლებაში მოსვლა არ არის. სამხედროების მტკიცებით, ქვეყნის დედაქალაქში სამხედრო ტექნიკა კრიმინალის წინააღმდეგ საბრძოლველად შეიყვანეს.

ცნობისთვის, ნოემბრის დასაწყისში ზიმბაბვეს პრეზიდენტმა, 93 წლის რობერტ მუგაბემ თავისი მოადგილე ემერსონ მნანგაგვა თანამდებობიდან გაათავისუფლა. მნანგაგვა პრეზიდენტის პოსტზე ყველაზე რეალურ კანდიდატად ითვლებოდა. მას სამხედროების მხარდაჭერაც ჰქონდა.

BBC-ის ცნობით, აშშ-ის და დიდი ბრიტანეთის საელჩოებმა ზიმბაბვეში მყოფ თავის მოქალაქეებს სიფრთხილისკენ მოუწოდეს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს