სომხეთის ეროვნული კრების თავმჯდომარე გალუსტ სააკიანი და ე.წ. სამხრეთ ოსეთის დეფაქტო პარლამენტის სპიკერი ანატოლი ბიბილოვი ნამდვილად შეხვდნენ.

ამის შესახებ ეროვნული კრების პრესსამსახურის უფროსმა არსენ ბაბაიანმა განაცხადა.

მისი თქმით, შეხვედრა კერძო ხასიათს ატარებდა.

„სომხეთის ეროვნული კრების თავმჯდომარის გალუსტ სააკიანის ანატოლი ბიბილოვთან შეხვედრა კერძო ხასიათს ატარებდა. არანაირი ოფიციალური საკითხი არ განხილულა. ორი პირის კერძო შეხვედრა პოლიტიკურ პოზიციებზე ვერ იმოქმედებს“, - განაცხადა ბაბაიანმა.

ცნობისთვის, ე.წ. სამხრეთ ოსეთის დე-ფაქტო პარლამენტის თავმჯდომარე ანატოლი ბიბილოვი სომხეთის ეროვნული კრების თავმჯდომარეს გალუსტ სააკიანს შეხვდა.

შეხვედრა მთიან ყარაბაღში შედგა. ოსური მედიის ინფორმაციით, შეხვედრის ფარგლებში სააკიანმა და ბიბილოვმა სომხეთის და ე.წ. სამხრეთ ოსეთის ურთიერთობის განვითარების საკითხები განიხილეს. ბიბილოვის თქმით, ოსი ხალხი, რომელიც საქართველოს მხრიდან გენოციდის მსხვერპლი გახდა, სომეხი ხალხის ტკივილს იზიარებს. ბიბილოვმა და სააკიანმა შრომითი კონტაქტების გაღრმავებასა და „სახელმწიფოთაშორისო ურთიერთობის“ განვითარებაზე მოილაპარაკეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელენე ხოშტარია - ვივამედის კლინიკიდან ვბრუნდები რუსთავის ციხეში - მკურნალობის პირველი ეტაპი დასრულებულია

პენიტენციური სამსახური უარყოფს რეჟიმის პატიმარ არჩილ მუსელიანცის ბრალდებებს

ევროკავშირის წარმომადგენლობა - ევროკავშირი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს