ამერიკის შეერთებული შტატების ფინანსთა სამინისტრომ ქვეყნის მოქალაქეებს რუსებთან ერთად იმ პროექტებში მონაწილეობა აუკრძალა, რაც ნავთობის მოპოვებას უკავშირდება, - ამის შესახებ ადგილობრივი მედია უწყების განკარგულებაზე დაყრდნობით იუწყება.

შესაბამისი აკრძალვა შეეხება როგორც იურიდიულ, ისე ფიზიკურ პირებსაც, რომლებიც უკვე შესულია, ან შეიძლება შევიდეს აშშ-ს მიერ დაწესებული სანქციების სიაში. გარდა ამისა, შეზღუდვები შეეხება იმ პროექტებს, რომლებიც მომავალი წლის 29 იანვრიდან დაიწყება.

ამასთან, განკარგულებაში მითითებულია აკრძალული თანამშრომლობის ფორმები. ესენია: ექსპორტირება, საქონლის რეექსპორტირება, გეოლოგიურ კვლევებში მომსახურება და ტექნოლოგიების გამოყენებაც.

უწყებაში განმარტავენ, რომ ეს გადაწყვეტილება უკრაინაში შექმნილი კონფლიქტის გამო მიიღეს.

ცნობისთვის, ამერიკამ სანქციები ირანის წინააღმდეგაც გააფართოვა. ფინანსთა სამინისტროს ცნობით, შესაბამისი გადაწყვეტილება თეირანის მხრიდან შესაძლო საფრთხის არსებობას უკავშირდება.

განკარგულება 2017 წლის 31 ოქტომბრით არის დათარიღებული.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს