Google-მა, Facebook-მა და Twitter-მა 2016 წელს ამერიკის შეერთებული შტატების საპრეზიდენტო არჩევნებში რუსეთის ჩარევის "მასშტაბები" გაასაჯაროვეს, - ამის შესახებ WashingtonPost იუწყება.

როგორც კომპანიების წარმომადგენლები აცხადებენ, ინტერნეტში ყალბი ექაუნთებიდან მილიონობით პოსტი ვრცელდებოდა, რომლებსაც "ინტერნეტ კვლევების სააგენტო" კურირებდა.

მაგალითად, Facebook-ის მასალების თანახმად, რუსეთის ინტერესებთან დაკავშირებული პოსტები, 126 მილიონამდე ამერიკელმა ნახა, ანუ ქვეყნის მოსახლეობის 40%-მა. კომპანია Google იტყობინება, რომ 17 არხი რუსეთმა, სავარაუდოდ აშშ-ის საპრეზიდენტო არჩევნებში ჩარევისთვის გამოიყენა. კერძოდ, საუბარია 1108 ვიდეორგოლზე, რომელსაც 309 000 მნახველი ჰყავდა. რაც შეეხება მიკრობლოგ Twitter-ს, მასზე 2752 ანგარიში არჩევნებში ჩარევას უკავშირდება. კომპანიის მონაცემებით, 2016 წლის 1 სექტემბრიდან 2016 წლის 15 ნოემბრის ჩათვლით, რუსეთთან დაკავშირებული ანგარიშებიდან შეტყობინებების მიღება გაიზარდა. კერძოდ კი, ექაუნთებიდან რუსეთთან დაკავშირებით 1,4 მილიონი შეტყობინება გავრცელდა.

ცნობისთვის, 28 სექტემბერს, აშშ-ის კონგრესმა Google-ის, Facebook-ის და Twitter-ის ხელმძღვანელები კონგრესში მოსმენაზე დაიბარა.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს