შინაგან საქმეთა მინისტრის  მოადგილე შალვა ხუციშვილი თბილისში, ნუცუბიძის ფერდობზე, მომხდარ ფაქტთან დაკავშირებით, პროკურატურის მიერ გუშინ გავრცელებულ განცხადებას გამოეხმაურა.

ხუციშვილის თქმით, რამდენადაც მისთვისაა ცნობილი, ჩანაწერებში ასახულია  ცუდად გახდომის მომენტი, უბრალოდ არ არის დაფიქსირებული დაკავების ფაქტი.

რაც შეეხება ჩანაწერების გასაჯაროვებას და სხვა ინფორმაციას, ხუციშვილი ამბობს, რომ ეს გამოძიების საქმეა.

„კამერების ჩანაწერები არსებობს და იმის თქმა, რომ კამერების ჩანაწერები არ არსებობს, ტყუილია. ჩვენ პროკურატურას მივაწოდეთ კამერების ჩანაწერები“,–განაცხადა შალვა ხუციშვილმა და დასძინა, რომ თუ რატომ არ ჩანს  დაკავების მომენტი, მიმდინარე გამოძიება დაადგენს:

„პირველ რიგში ჩვენ თვითონ ვართ მაქსიმალურად დაინტერესებული, რომ საქმეზე რაც შეიძლება მალე დადგეს ობიექტური ჭეშმარიტება, ძალიან მჭიდროდ ვთანამშრომლობთ პროკურატურასთან. ყველა ჩანაწერი, რაც კი ამ კამერას აქვს დაფიქისრებული, მიეწოდა. მე ზუსტად არ მინახავს ჩანაწერები, მაგრამ რამდენადაც ჩემთვის ცნობილია, იქ არის მომენტები, მათ შორის ცუდად გახდომის მომენტები უნდა ჩანდეს, უბრალოდ არ ჩანს დაკავების მომენტი. თუ რატომ არ ჩანს დაკავების მომენტი, სწორედ ამიტომ მიმდინარეობს გამოძიება და უნდა გამოკითხონ ყველა შესაბამისი პირები. სანამ არ გვეცოდინება მინიმუმ ექსპერტიზის დასკვნა, თუ რით გარდაიცვალა ეს ადამიანი, რაიმე ბრალდებებზე პოლიციის მისამართით, ან დეტალებზე, ან შეფასებებზე საუბარი ნაადრევია“,–განაცხადა შალვა ხუციშვილმა.

შეგახსენებთ, მიმდინარე წლის 25 ოქტომბერს, საღამოს, თბილისში, ნუცუბიძის პლატოზე, ადმინისტრაციული წესით დაკავების დროს,  ახალგაზრდა მამაკაცი გარდაიცავალა. საქმეს მთავარი პროკურატურა იძიებს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს